Popular Bible Verses from Lǔka 7

Share

Hǐnudě he hî̌ na, mamǔ htě a ta̤sǔ ǒplṳ̂ htǒotapwa̤nu, Cǒmara bòlû̌bòkè nû̌ûta̤sǔ hǒ. Hǐnudě a khòlṳ ta a mo̤ǐ na̤cè̌ he hǒ. Pwǎ̤tadě kòyò htě Cǒmara bòlû̌ pî̌tî̌ pwǎ nû̌ûta̤sǔ toǒnu a glè mo̤ǐ geshǔ pî̌tî̌pwǎ Cǒmara.” Htodě Ye̤shǔ hî̌ mamǔnu tapwa̤, “He bòlû̌bò na ta̤sǔta̤plě hǒ.”

Pwǎ̤ta Ye̤shǔ hî̌ mamǔnu tapwa̤, “Na ta̤yṳta̤nǎnu, a ma̤lû̌htò̌ge na hǒ. Gemo̤ gewǒ tû̌ nî̌꤮.”

Dě a hèihtǒ ǒphǔtînî̌ bǎ Ye̤shǔ anǒkò dě ahǎ ami̤sǎshi lò̤cǒbò Běcǎ Ye̤shǔ akhò̌lopo̤. Dě a htǔsûkè bǎ Běcǎ Ye̤shǔ khò̌lopo̤ ta akhǔlṳ, dě a gomo̤ nû̌û khò̌lopo̤. Htodě a lò̌lò̤ shinṳmû̌ dě a khò̌lopo̤lo̤.

Htohǒtò̤ he gènè̤lò̤ hena̤ ta he hèkè̌shǐshǔ pwǎ nanu he gwata na tò̤. Pò̤̌ta hî̌lò̤ pwǎ nayo̤ tûmû numî̌, he pwa̤ma̤ta̤ ta̤sha hǎmǎkè lòtṳ̌ tû̌ hǒ. Mî̌ma̤tè̤dě he hî̌ pwǐhè̌o mî̌ he bǎ gana̤de sana̤ tû̌ kòyò htě adû̌khlo ta he toǒ ayo̤. Hǐnudě kliphû̌ htě a ǒ hela̤ toǒnu a bǎ gana̤detû̌ heyo̤ hǐnunu. He dè hî̌ kliphû̌ tapwa̤pwa̤ ta, ‘Cû̌mò̌,’ hî̌numî̌ a bǎcû̌ pwǎ, he dè hî̌lè̌ ahǔwa̤tapwa̤, ‘Hèmò̌,’ hî̌numî̌ a bǎ hè pwǎ. Htohǒtò̤ he dè hî̌ hejûphû̌ ta, ‘Ma̤mò̌htǒo,’ hî̌numî̌ a bǎ ma̤ pwǎ, klihǐkǒdû̌ nohè hî̌ pa hè̌o.” Bǎ Ye̤shǔ gana̤de a hî̌ hǐnu akhanu, a sû̌pi̤sò̌pi̤. A htû̌tiwǐ gesǒ ana̤ dě kòyò gûkû̌ nû̌ûkò toǒ ǒ dě a hî̌ kòyò saprṳ̂ htǒotoǒ, “He hî̌ bǎ sî, ta̤yṳ htǒonu, he kè̌shǐnǒ dǐplǎ꤮ tò̤. Dě Israelphû̌ toǒ akla bǎbǎ, he kè̌shǐnǒ ta̤yṳta̤nǎsho pwǐhè̌o hǒtò̤.”

Bǎ asî hè akhanu, ato ta Ye̤shǔ ma̤bǎ plṳ̂ kòyò htě ata̤shǐ ǒ toǒ, kòyò htě ata̤sha ǒ toǒ, kòyò htě khînǎkhîno ma̤bǎ nû̌û toǒ ta ama̤lîge plṳ̂ bǎ kòyò mi̤sǎkhǐnu toǒ. A hî̌shǔge Jowǎ̤ni̤ nohè gwè asî ta̤wi̤ta̤kè̌ htǒotoǒ ta, “Ge pwe̤ǐsǒ Jowǎ̤ni̤ ta ta̤lǒ̤꤮ bò htě sî kè̌shǐ gana̤de htǒotoǒnu nî̌꤮. Kòyò mi̤sǎkhǐ toǒ kè̌shǐjò hǒ, kòyò khò̌lopo̤dě toǒ cû̌jò hǒ, kòyò ta̤shakroǎ phělo̤ toǒ hǎmǎgebò hǒ, kòyò nò̌kukoo toǒ gana̤debò hǒ, kòyòsi toǒ htûpwa̤gesǒ hǒ, kòyò hǒwi̤shèwèphû̌ toǒ gana̤debǎ ta̤sò̌le̤sò̌lò̤ awi̤akè̌ hǒ.