Popular Bible Verses from Luke 17

Share

Et kigwan Jesus cha si-katho i “Akgwat ka wa et taha. Mimapteng ka wa kagol na pamatim cha si-kak.”

Angken no meminpithon manbasol cha si-kam na sa-kin akow, et meminpithon onkowan cha si-kam a konen to i ‘Manbabawiak,’ pakawanim.”

Et sema sa-kid si-kara, idi iyamtaan to i iya-kal i sahit to, imolid kad-an Jesus a inpekes toy esel ton iyanchayaw cha Afo Chiyos. Iyantalimohod cha sekian Jesus et iyansalamat cha si-katho. Sema too, i-Samaria.

Isonga, tanchaani yoy a-magen jo. “No panbasolan toka na echom mo, iseg-ang mo, et no manbabawi, pakawanim.

Et kigwan Jesus i “Ampet siya iy gwariy sampolon mimapteng? To la iriy siyam i?

Insongbat Jesus i “Angken no otik i pamati yon inges toy bothil na mostard a kaotihan cha emiin a bothil, mebedin a konen jod ja banay a kejow i ‘Dipnot moy angel mo et taha wed baybay say chiwan i kaytaneman mo,’ et patien to kayo.”

Tep sema toon menepi na biyag to, ma-tiw cha si-katho, nem sema toon metiy kagol na pamati thod si-kak, may-i-kanan na biyag a nagwariy pengingkaan to.

Et kigwan Jesus ired ma disipolos to i “Sigoradon gwara diy solisog a onmothok cha tothoo, nem sema toon mengipabasol, kakaasi ngon chili tep si-kathoy panchedanan niwa solisog! Magangkana koma no mayba-jat i enbel-at a bathod bokdow to, et iba-tok ched baybay say metiy iy say sema mengipabasol na angken sa-ki iren ja iyangkebaben too.

“No timpo na iolik alin Anak na Too, say niyan-amaga na tothoo, inges to ngoy niyan-amaga na tothoo nonta timpon Noah. Sema iren too, kekinakan, kaininom, tan kainimbaliy ingkathod akow a insekep Noah cha bapor a imag to. Et ejowjow i dobong et etiy a emiin i too.