Popular Bible Verses from มัทธิว 27

Share

ผื่อผื่อ เบ๊อะเหมาะกุ่ยแล โซมือ เบ๊อะเนอ, เหย่ซู่ จ่าเพรอ เอ๊โทแถ่ เน๊อ, “เอลี, เอลี, ลามา สะบัก ธานี,” อาโหง่แลช๊า หม่า “แว จอแปแหร่, แว จอแปแหร่, เน วีแก แว เมเต?”

เบ๊อะเนอเค อิเกบ่าดุ เด๊อ อู จ่อตาตือบี๊ เด๊อ เตหลู่แต โฮกู เนอต๊าบ่า แลยา แก๊แถ่แกแล ปลื๊อแก เนอกยา. เตเน่วท๊อดี โทเรอ หล่อ เต๊เห่ ลูแอ เพ๊ลอ. โลกู เต๊เห่ ลูโมแถ่ ลอ เร๊อ แกแยบูโพ๊พู๊ เด๊อ อา เซอ โทเฮ๊อ เนอเต๊เห่ ก๊อถ่อเซอเพร กาคยา เอ๊ลา.

เบ๊อะแบ่เจ่ เอ๊โทแถ่ฉว่าฉว่า คยาแซ๊โป่ โตโพ๊ โทเนอ อาซิปล่อ เซอเพร เถ่จว๊าแก.

เบ๊อะโรมัน เกลอฮู๊เตเย กู่กล๊อ เออเตเพร เร๊อ แกแย เด๊อ อา โอ่ป่อแม๊เร๊อ เหย่ซู่โล เออเต๊เห่ แม๊เถอะ เตเน่วท๊อดี เร๊อ ล๋อ เตทวาแถ่ อาเหน่ เออเต๊เห่ เบ๊อะเนอ, เหย่ซี ซิอิเช เร๊อ อา เฮ๊ แลแค เน๊อ, “อา หม่า จอแปแหร่ อาพู๊ หม่าแหน่ แหน่ เฮ๊อ.”

เป๊อแถ่ เบ๊อะเหมาะโถ่ จ๊อเรเน๊ เนอ เร๊อ อา โต่แฮ เด๊อ เหมาะกุ่ยตาแล โซมือ อากูเนอ, เก่ คี๊ตือรือ ตาลอ เจ๊อ เต๊เก่เล เจ๊อ.

เร๊อ คุ๊ยปีลาต แด๊เฮอ เหย่ซี เน๊อ, “เก่ เมฮู๊เนอเรอ เหย่ซู่ เด๊อ อู เอ๊ ลู เร๊อ ครี๊ เออเตเพรเนอ แว เบ่ เม อา ฮู๊เต?” เร๊อ เหย่ซี เฮ๊ฉื่อ เน๊อ, “มือเซอ แถ่แก อา เด๊อ อี๊ถื่อดีเต่ลู เนอ.” อาเฮ๊ แลแค ฮู๊เนอ เร๊อ คุ๊ยปีลาต แด๊เฮอ เหย่ซี เน๊อ, “จว๊า มือเซอ แถ่แก อา เมเต? อา จว๊า เมซื๊อเมปล๊า แคร๊ อิเต?” เร๊อ เหย่ซี ลื๋อ เอ๊โทแถ่ฉว่าฉว่า เล๊อ โป่ เน๊อ, “มือเซอแถ่แก อา เด๊อ อี๊ถื่อดีเต่ลู เนอ”