Popular Bible Verses from Yohanis 14

Share

Na mɛa anye kɔdhɔttagung zany, na kajjung bhɛa ɛlɛo ko Tumu ke na bo challa hunde nande. Nɔng zanya kajjungu :anyo ko na ajjungɛa :zuga bhakkɛa ba ngaya, ngahɛtto. Na igge ngashurnɛno na ɛngɛrso bho.

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Na Yesus koo sɛɛsɛ zuga kɔbhbhɛa nɔng, “Ngaajjɛo hinisi ke gɛrsi na shurnɛno, yɛbhɛ Tumu na ko anye yɛbhtanyuyɔ!

Nɔng Baba nanu ale ittonnogung Kuloya Nɛnɛ sara ganyu. Na ngakuloytonu anna Irishshongngu igge. Na ale madhdhagung lɔgɔ kumulɔng na chɔɔ bhɛsseung sabbi na kadhdhano lɔga bere koyokkogungu kumulɔng.

Inde ibhbhagany anye hini dhereye, aynde shik lɔga kajjɛi :anyo na me na urrugɛsɛnde. Na inde ibhbhagany hiniye, ko nɔng ale ibhɛsɛn :Babaa nanu hini. Na ko anye ale kibhɛsɛn hini sɛgɛn na chɔɔ kudhugunɛsɛn rɛa nanu hunde kani hir inongge.”

Nɔng anye ale kighini Baba nanu na kittonogung Hira Irishshongngu na tɛldi ko igge kari dhul ko kingi. Nɔng ngandonu a Kuloya Tumu dhugunnono lɔga ku dhere. Na yɔk zuga marrɛa Tumu ale marrɛ nɔng ke ngaya ngaorɛo na imagɛye. Na nɔng igge gaoyɔ ke ngaya ɛlɛo ko nɔng kari na anɛo dhɔnɛye.

Na lɔkte ogollo bhɛa Tumu sara ganyuye kumulɔng, anye ale kurrugɛsɛn ke ngaya Eriya Tumu kèe kɔdhɔngɛ Chɔgɔnɛ na kɔtɔlɔmɛ dirambe. Na hunde chɔɔ ogoldonyu lɔk gena sara ganyu, anye kurrugɛsɛndɔ.

“Hunde ibhtaganyu anye hinisi dhere, anda bhɛkko lɔga kajjungu :anyo.

Doraa Babaa nanu hana kàbhakka a mɛri. Yɔk ngalɔkta hunde dhere ngaani, anda bere koyogogungɔ. Na mɛa anye ale kijimi sabbɔ na kojjogung hana bhakko kɔk.

Na hunde kokka na kojja hana bhakko kɔk na te ushaye, ale kɔmɔttanung na kɔgɔyɛung na kàbhak bhee kihɛ :anyoye kari.

Na ghinu :Tomasi na sɛɛsɛ, “Komorue, agge gɔrre kɔɛye, kimaggoyɔ. Na gangguye dhoye, ale kaggao ɛnɛng?”