Popular Bible Verses from Yohanis 15

Share

“Nɔng anye kani woyn bhɛa ku banggurra na igge anno hana ku lɛwanya. Na hirre kɛllo ko anye kari na ngakegenɛnooye, nɔng ale dhungngana kawarte mɛri. Na ko igge hunde dhɔttanyu na kari ngani ngakɛlloye, lɔkte messo bhichang ninggɛ dhul.

Na mɛa kɛ̀tɛldi kari ko anye na ngakègennɛ. Nɔng kɛyɔ lɛway ko banggurra hunde ɛl bhiy bhiyye, lɛway bhee dhungnganɛ kawarɛ bhichang ninggɛ. Na ko igge hunde dhɔttanyu na kari ngani ngakɛlloye, bhee dhungnganɛo kawarɛ bhichang ninggɛ.

Na nɔng igge hunde kɛ̀tɛldi ko anye kari na tɔlɔmɔ lɔga ganyu hinisichinne, anda lɔkte hinnono na ogollo Tumuye kumulɔng, ajjunggɔ.

Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Nɔng hirre ibhbhana rɛa nɛnɛ na rɛsɛ dehunyɛa gɛnyɛye, dhaa a hira ibhɛsɛna yɔk hini dhere. Na chɔɔ hirre ibhɛsɛn zugo hini na jorrono ngahirra, ninggɛ dhul.

Na kedhdhana lɛwanyaye ujjonɛ bhɛa nanu na kawarɛ ngadhungnganɛoye bhoy na ujjuktɔ. Na yɔk gee dhungnganɛ kawarɛye, me shɛɛ na kedhdhana na kɔshɔyay :lɛwanya genne na keggiyo kawarte mɛri jorronɛ ga bɔɔ sabbune.

Na mɛa lɔkte kajjungge a ɛnɛnggeo, ibhtɛ hinisi ngadamita kibhbhagɛung :anyo hiniye.

Na hunde dhungga kawarte mɛri na dhɔlda bhɛa anɛo zuga kɔbhbhanyu anye dhere, anda ajjɛo Baba nanu diram.

“Kɛya ku woyna ku dhere kani :anyo. Na nɔng Baba nanu a hira ulalnɛna.

Nɔng hirre ko anye kari ngakɛllooye, heo lɛwaya kùjjukko na dhɔrɔgɔsa. Yɔk lɛwanyaye ku ngangaye, kùmukkana na kujjugɛsɛn go toye na ambɔ.

Nɔng bhee koyokkogɛung ngalɔktaye, a ngaya keni hinisiya gu keteyɛ hɔli goore hunde nande na chɔɔ keteyɛ hɔli goore dhogoniye.

Nɔng hunde mesigi lɔga kajjungu :anyo, anda kɛ̀l kari na kibhbhagung hini ngadamita bere ko anye kemesɛ lɔga ajjanyi :Babaa Nanu na ko mɛa toye ngani ibhbhagɛany hiniye.

Na mɛa lɔkte kajjung :anyoye a ɛnɛnggeo, ibhtɛ hinisi!

Igge hunde te zuga marro Tumu dhere, anda yɔk ibhbhagungɛ hinisi huna zuga gɛ. Na nɔng mɛa bhee marrɛungɛ :yɔkkuye, a ngaya bere kɛbɛrranɛung bhɛa nɛ na anɛo zuga ganyuye.