Popular Bible Verses from Yohanis 16

Share

Na ngaya koyokkogɛung ngalɔktaye keni tɔlɔmɔ zany na tɛldi ke na bo challa ke ngaya yɛbhbhɛanyu anyeye. Nɔng hunde ngani bhakko ba ngayaye, ale chɔllanɛno goore. Na chɔyɛsɛ hinisi bɛna na te dhandali! Nɔng anye wa kɔmɔgga barartina bany kumulɔng.”

Nɔng Kuloya Tumu madhɛsɛna zugo lɔga ku dhere hunde ale kunde, dhugunnogung bhɛa lɔga Tumu anɛa dhere na gao kumulɔng. Na nɔng ale yokkono lɔga shikkana bhɛa nanu sɔng. Ga sabbaa nɛnɛ ngayokkonoo dhul. Na chɔɔ ale yokkogung lɔkte ale ngani ɛrrinyaye.

Nɔng ko mɛa toye lɔk gena sara ganyu ngani ogolotto. Na mɛa ogoloyɛ! Nɔng ale ajjung na dɛllo na hinisi hɔllung goore.

Na nɔng mɛa ga shigitɔ! Nɔng anye ngaya keni kɔ̀gɛye, bhɛa nu a challi. Nɔng hunde ngakɔgɔyoye, bhee ale kunɛ :Hira Irishshongngu ninggɛ. Na nɔng hunde kokkaye, ale kekkon nɔng na assanunggɔ. Na hunde ale kunde, ale bhɛsi zuga bhakkɛa ba kumulɔng sabbi na dhugunɛsɛn bhɛa anɛa zuga lɔmmɛa ridhing na imagɛa lɔga gɛrsa ko hira ridhing ningginɛna ko bhɛa ale kedhdhɛa :Tumu lɔga zugony.

Na ko igge mɛa lɔga gu a nganga. Nɔng mɛa munyussoyɔ. Na nɔng ale kòrnɛ sɛgɛn na dɛllo goore. Na chɔɔ hirre ale kedhdhung hinisi na ajjung munyusey, ninggɛ dhul. Na ngakaldonu lɔkte ale ogollonyu anye ninggɛ dhul. Na mɛa ga shigitɔ! Yɔk lɔkte hinnono na ogollo Babaa nanu sara ganyuye kumulɔng, ale ajjunggɔ.

A challi, ga shigitɔ! Nɔng igge hunde ale ruo na munyusso gooreye, yɔk zuga marrɛa Tumu ale hinisiya gɛ a hɔli. Nɔng igge ale ruo chi, na nɔng roa nu ale kɔ na bhɔdhinɛ ke hini hɔldin.