Popular Bible Verses from HMOTAOPAZY 2

Share

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

Ngiapâtuhpazy cha lyuhchâpazy pachuna dao awpa ta zy, akaona hnei awpa ta zy, viahchhâ pachhaih awpa ta zy, thlahchhâ awpa ta zy ta phahnai khoh ngaitapa ta y tyh ei ta.

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

Eikhapi ta vârâh tawhta thlihpipa pathlipa pyu hawhta za tlô ta, cha chata amâ tyuna o cha pabie khai ha ta. Meipaleih hawhta paleihzy a pachhaih pazâhpa ta ama hnohta a vaw luah ta, ama zydua chô liata a choh ta. Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh. Khazohpa reithai ei ta, chyhsa zydua modypa ta ama y tyh. Chatanachata pachha a châpazy cha, noh chareih ta Abeipa ta ama hnohta a baichha lymâ ei.

“‘Noh chhâna nohzy liata cha, Hetana heta a vaw châ aw, Khazohpa ta a tah: Chyhsa zydua chô liata Ei Thlahpa hry aw na ta, Nama sawchapawzy nata nama sawchanôzy ta Hrohsona bie phuah aw ei ta, Nama thyutliazy ta aluahnazy hmô aw ei ta, Nama pawpipazy ta mâ lâta ama sa aw.

Ngiapâtuhpa zydua hmaohkha ta y ei ta, hmo to a hly ei ta. Ama ryuzy, ama sôhzy zuah ei ta, amâ ngiahpa chyu hawhta ama zydua ta a rai tyh ei ta.

Ahy rai Abeipa moh a padopa maih cha, Pachhapa ama châ aw,’ tahpa ta a vaw reipa kha a châ.

Abeipa noh a vaw tlô hlâta, Noh rônahpa nata noâhchhihpa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.