Popular Bible Verses from MÂKA 12

Share

Zisu ta, “Biepiepa peimawh chaipa cha he he a châ, ‘Hy Izarei, nathlie teh: Abeipa eima Khazohpa, Abeipa cha pakha deita a y. Abeipa na Khazohpa cha na pathipalôh tlokhuh ta, na thlahpa tlokhuh ta, na pachâna tlokhuh ta nata na thatlôna tlokhuh ta kyh na pachâ awpa a châ,’ tahpa hih. A pazipa cha, ‘Nâma kyh nâ pachâpa hawhta, na vaih kyh na pachâ awpa a châ,’ tahpa he a châ. He hlâta biepiepa rônah viapa y vei,” tahpa ta a chhy ta.

Zisu ta a pachupazy aw ta, ama hnohta, “Hmeiseihta ta ei cha chho ei, sôh thyuna byh liata a pathlapa zydua hlâta, he nôhmei dyhchhiepa heta a pathla hluh chai. Mohropa zydua cha ama hnei laikhôpa thyu ei ta, he chanô deikua he cha, dyhchhie kawpa châ hra sala, a khihsatôhtuna châta a hmâ awpa a hnei chhôhpa a thyu khai ha hih,” tah ta.

Zisu cha thyuna byh dady liata a tyuh ta, chyhsazy ta thyuna byh liata tâkâ ama pathlapa cha moh ta. Chyhsa hneirôhpa hluhpizy ta a hluhpi pathla ei ta. Nôhmei dyhchhiepa a vy ta, tâkâ dipa miano pathla ta. Cha cha phusâ miakha tlu a châ.

Khazohpa cha pathipalôh tlokhuh ta, pahnona tlokhuh ta nata thatlôna tlokhuh ta kyhpachâpa nata sasyh kyh a pachâpa hawhta vaih kyhpachâpa cha, a pôhpa duata rao khaipa raopa hlânazy nata atheihnazy hlâta pha via syulyupa a châ,” tah ta.

Zisu ta ama hnohta, “Kaisarâ hmozy cha Kaisarâ pie u la, Khazohpa hmozy cha Khazohpa lâ pie teh u,” tah ta. Ama noâh ngaita ta.