Popular Bible Verses from MÂKA 13

Share

Chyhsa zydua ta ei moh vâta ama châ hao aw. Châhrasala achhâna taihta a tao hualuapa cha pachhapa ta a y aw.

A daihti vaw tlô nawpa nama pahno leipa vâta, riavaihpa ta y u la, a hrohruapa ta thlahchhâ teh u.

Cha patupa ta ama châ chhi tita, khâpa eima reih aw tahpa ta pachâ chhie chhielie khuh vy. A daihtita liata bie vaw tlô aw ta, cha bie cha nama rei awpa a châ. A reihtuhpa cha nâmo châ leipa aw ei chi ta, Thlahpa Pathaihpa tlao a châ aw.

Lei nata vâ a lei aw, ei biezy deikua lei aw vei.

“Châhrasala cha noh nata dawh cha, Paw dei leipa ta cha, ahy hmahta pahno veih ei. Vârâh liata vâlyuhchâpazy ta pahno leipa ei ta, Sawchapawpa chhao ta pahno vei.

Adyuhnazy nata adyuhna bie pathâhpazy nama thei tita, nôpopa ta y khuh vy. Chazy cha a vaw tlô awpa rai a châ, châhrasala chhâna la châ mâh vei.

Chavâta a hrohrua teh u, o hneituhpa vaw tlô nawpa daihti cha, zâlâ ta ma, zâcho ta ma, awhkho ta ma, my ta ma a châ aw tahpa pahno tlôh leipa ei chi ta. Chataleipatala eikhapi ta a vy aw ta, namâ mô chhôh ta a cha vaw pachhai pathlei aw ei. Nama hnohta ei reipa he chyhsa zydua hnohta a reihpa ei châ: Riavaihpa ta y teh u,” tah ta.

Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata alozy a sih aw ta, chakâhnazy a tlô aw. Chazy cha sawzeih pasa athaona a châ.

Thâtihpha cha phopi zydua hnohta chho khai tua awpa a châ.

Chyhsa hluhpi ta, ‘Krista ei châ,’ tahpa ta ei moh ta a vy aw ei ta, chyhsa hluhpi ama dôvei aw.

“Châhrasala a hrohrua teh u. Ryureituhpazy cha patusa aw ei ta, pakhyna ozy liata cha chhei aw ei ta, keima vâta ryureituhpazy nata abeizy hmiakô liata a duah aw ei chi ta, ama hmiakô liata pahnotuhpa châ awpa ta namâ duah aw.

Mesia pakheipazy nata hrohso pakheipazy vaw pua aw ei ta, ngiana nata hmonoâhpazy ama tao aw. Tao theipa châ sala, atlyhpazy taih ama dôvei aw.

“Cha nohzy liata, riethei pasana a y khai tawhta, noh pazohsapa châ aw ta, thlâpâ khaih khao leipa aw ta, avâ tawhta awhsizy za tla aw ei ta, avâ hmotaotheinazy cha chalyupa a châ aw.