Popular Bible Verses from Galatia 5

Share

Koma kipambiko kya Roho kiki iki, kiganano, kuhekelela, kindamba, kwisinga pa mahumbuso, ulongo, unofu, kukeleka, uwololo, kwigoha; fya ntundu uwu fipindika lepa ni torah iyi yoha.

Leka nijowa, mugendegende pa Roho ni yamumalakise lepe manyonyelo ga nyama.

Wona tilama pa Roho, pa Roho tigendegende.

Na wala wa Kristo Yesu wakungiti pa msalaba nyama pamonga na magano gake na manyonyelo gake.

Leka makitiko ga nyama gamanyika muni gaga aga, kiyaka, uwafu, luku, kugwilakimbo fifwilifwili, uhawi, kuwipilana, mitumba, kutumbulana, kudadisana, kulonda ngondo, fya kulekana, mapatukano, wifu, kugala ugimbi, mautofi, ni fingi fya ntundu uwu: fya fila niwakila, umu niwakiliti palongolo, kukita wala wakitaga fya ntundu uwu yawayingile lepe utwa wa Mulungu lipwela.

Pakuya mwenga walongo, mukakemaliki kwa ukamba; koma musitumila ukamba winu kwa kukita kya nyama, koma pa kiganano muye wawanda ayi yoha kwa njini.

Pakuya nyama yinyonyela kumpindika Roho, nu Roho kuyipindika nyama; pakuya ifi fipindikana ni filekana; nausi musikita fila mulonda.

Pakuya torah yamfilimila yifwilanasiki pa lilowe limonga ili; Unganaye mwenesi wako ngati wa mwene.

Tisitama wa kwihikalila waka, wakutumbulana, wakuwinisana.

Pa ukamba Kristo akatiwopwili: mumu mukangamalaye, na musiyingisa kawili pa lingoli‐ngoli lya uwanda.