Galatia 5
5
1Pa ukamba Kristo akatiwopwili: mumu mukangamalaye, na musiyingisa kawili pa lingoli‐ngoli lya uwanda.
2Lola, nenga Paolo niwajowela mwenga, kukita, wona mwisilamwisi Kristo nukuwapatila lepa kandu. 3Ena, pakawili nindasa ulungamakiso ayi yoha wa kwisilamusa, kukita ayii ni misigilo kukitila ngani torah ya mfilimila. 4Muwusiki kupatuka nu Kristo mwenga wakulonda kugoloseka nu torah; mukagwili kupatuka ni neema. 5Pakuya tenga pa Roho tilindalila kihuwalilo kya ugolofu pa kiyitakiso. 6Pakuya mwa Kristo Yesu kusilimuka nukuya kandu, haka pangali kusilimuka; koma kiyitakiso kya kuhengela pa kiganano. 7Mukayili mu kukimbila wicho, nani akawasiwilikisi nausi mukotoke kuyufwana fya chakaka? 8Kukongeka uku nakutumbula lepa pa yula awakemela mwenga. 9Kimela kichoko kilekela liwuli lyoha kimela. 10Nihuwalila kwa mwenga pa Bambo, kukita yamuye nu mwoyo wuwu nukuya wungi: koma uyu wakuwahumbusa yawitwike lipaulo lyake, aye umu ayili. 11Koma nenga, walongo, wona niwandisa kusilimuka mpaka lilino, kwa kiki nihyungika mpaka lilino? mumu kya kukuwasa kya msalaba kiwusiki. 12Mbanga wala wawahamisa mwenga ngawidumulili.
13Pakuya mwenga walongo, mukakemaliki kwa ukamba; koma musitumila ukamba winu kwa kukita kya nyama, koma pa kiganano muye wawanda ayi yoha kwa njini. 14Pakuya torah yamfilimila yifwilanasiki pa lilowe limonga ili; Unganaye mwenesi wako ngati wa mwene. 15Koma wona mulumana ni kulilana, mulolaye musimilika yungi ni njini.
16Leka nijowa, mugendegende pa Roho ni yamumalakise lepe manyonyelo ga nyama. 17Pakuya nyama yinyonyela kumpindika Roho, nu Roho kuyipindika nyama; pakuya ifi fipindikana ni filekana; nausi musikita fila mulonda. 18Koma wona mulongoseka nu Roho, muyilepe pasi pa torah. 19Leka makitiko ga nyama gamanyika muni gaga aga, kiyaka, uwafu, 20luku, kugwilakimbo fifwilifwili, uhawi, kuwipilana, mitumba, kutumbulana, kudadisana, kulonda ngondo, fya kulekana, 21mapatukano, wifu, kugala ugimbi, mautofi, ni fingi fya ntundu uwu: fya fila niwakila, umu niwakiliti palongolo, kukita wala wakitaga fya ntundu uwu yawayingile lepe utwa wa Mulungu lipwela. 22Koma kipambiko kya Roho kiki iki, kiganano, kuhekelela, kindamba, kwisinga pa mahumbuso, ulongo, unofu, kukeleka, uwololo, kwigoha; 23fya ntundu uwu fipindika lepa ni torah iyi yoha. 24Na wala wa Kristo Yesu wakungiti pa msalaba nyama pamonga na magano gake na manyonyelo gake.
25Wona tilama pa Roho, pa Roho tigendegende. 26Tisitama wa kwihikalila waka, wakutumbulana, wakuwinisana.
Currently Selected:
Galatia 5: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.