Galatia 6
6
1Walongo, mundu wona awonakiki pa kuhoka kuyi kwoha, mwenga wa roho mukilawuse wa ntundu uwu mwa roho ya uwololo; kwilolalela wa mwene, usigeseka na wenga kawili. 2Mutwikane misigo, ni kufwilanisa wiwi torah ya Kristo. 3Pakuya mundu wona ahola kukita ayii kandu, koma ayilepe kandu, ikongesa mwene. 4Koma mundu ayi yoha alinge lihengo lyake, na yaaye ni kwilumba pa yombe wakape, nukuya pa yungi. 5Pakuya mundu ayi yoha yatwike nsigo wake wakape.
6Leka yula ayigilasiwi pa lilowe ahasangane nu yula wakuyigalisa pa fyoha fya kulamisa. 7Musisoweseka; Mulungu nukukitika mihenje: pakuya kiyi kyoha mundu wona akipanditi, kila yakibene. 8Pakuya wakupanda kwa nyama yake mwene, kipitile pa nyama yabene fyakuwola; koma yula wakupanda kwa Roho, kipitile pa Roho yabene kulama kwa miaka. 9Leka tisitonda pa kukita finofu, mpaka pa lukumbi lwake yatibene, wona tilemiti kusinduka. 10Mumu umu titamila nu lukumbi lwake, tiwahengele wandu woha kinofu, leka muni‐muni wala wayii pa nyumba ya kiyitakiso.
11Mulolaye umu niwalembili mwenga ni kiwoko kyangu namwene pa malembeko makulungu. 12Woha wala walonda kuwoneka wicho pa nyama, wawakikisa mwenga kusilimuka; kwakape nausi wasihyungika kwa ndawa ya msalaba wake Kristo, 13ndawa haka wala wakusilimuka wene wakisa lepa torah; koma walonda kukita musilamuke, nausi wilumbe pa nyama yinu. 14Koma kiye patali pa nenga kukita niyilumbe, lema pa msalaba wa Bambo witu Yesu Kristo, pa wula ndima uwu unikungakili pa msalaba, na nenga nikungakili ndima. 15Pakuya kusilimuka nukuya kandu, haka pangali kusilimuka, koma kapangiko ka hino. 16Na wala woha yawagendegende kwa ndingo uwu, kindamba kwawe, ni lipyana, ni panani pa Israel wa Mulungu.
17Kitumbulile hino mundu asinihumbusa: pakuya nifitwika pa mbili wangu fiwalalilo fya Yesu.
18Neema ya Bambo witu Yesu Kristo yitame nu roho winu, walongo. Amen.
Currently Selected:
Galatia 6: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.