Popular Bible Verses from Lucas 5

Share

Opama ñimiñeerã heishu Simón: Raha nycanoa yy typyve õpe, haipe pymombo pyndypysare pynohẽ verã pira.

Simón heishu: Pyrỹmboi'ia, jypyhahare rãnga mba'apoha, tẽvã mba'ẽa nohẽha. Katynga nde reresheva rupiipo araha amombojy pysa. Hãrã kyrã japo reta, itymapy reta pysarã heta mboa reta pira, hãma jypysare ajete opaite myndoroshi reta.

Tẽvã Jesús ohoshi reta mbamba'ẽẽvaipi, haipima ñymboi.

She aiã aheno heko kavivape, heko porãmba'ia retapei, oujy verãre Tũpa kyty.

Simón Pedro, heshama kovarã, iñesu Jesús hỹnonde hãrã heishu: Syry shyhevi, Sheja; she rãnga hai heko porãmba.

Jesús mbyhovaishu reta: Mambaimba'ia ikoteveãhe pyrỹpyhãno'iare, koñeĩ ñymbairasy'ivãi.

Haivi verujyma kanoa yy hymbey perã. Opa heja reta jyraha hipi Jesús.

Iko Jesús imeteri'ẽ pente tentaperã, vãhe oushu pente kuimbai kuru porãmbava, hãrã heshama Jesús perã, iñesu hỹnonde hova yvyre ñono hareka jurure asyshurã heishu: Sheja, ripotarã, shymynguerapo. Haipema, Jesús ipo mondoshurã, pokohe, hãrã hei: Aipota rãnga! Arỹmynguera! Hokava opa heirã kuru porãmbava opa kañyshi.

Tẽvã haipe Jesús kuaahave raha opa rupi, hareka heta kuareta ñymbaty jasakahe verãre ĩñee, hareka ñymyngueraka verã mbairasykueivi.