Popular Bible Verses from Lucas 6

Share

Pymeẽ, hãrã Tũpa meẽpojy pee. Meepo pee jyvosape hekope kavi, jopya kaviva, makãtãhã kavipya hareka tynyhẽ'õ. Pee pymeẽva rãĩmi papishape, kyrãipo Tũpa meẽjyvepe.

Hãrã kuimbai pya kaviva, mbaikavivãi hei, shara haikavivãi pyape ẽ; hãrã kuimbai heko porãmba katy, mbai porãmbavãi hei, shara porãmbavãi pyape ẽ. Hãrã ñandy pyape tynyhẽva jaijeta ñandi juruipi.

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Pijyparekopo, Tũpa vate arapy'õ pyndy parekova rãĩmi.

Avy pimbivacheka papisha mãhẽ Tũpa pimbivacheka jyvekui. Avy pijahehe papisha, mãhẽ Tũpa jahe jyve pyndyrehekui. Pyhejareiishi papisha porãmba japo pyndyreheva, hãrã Tũpa hejareiipo jyve pyndyhevi mbai porãmba vekua.

She katy hai pee shy rẽndu pẽiva: Pyhaihushu pyndyraihu mbavare, pijapo kavihe pyndy reshatamba'iare, Pehovasa porãmba ijeta pyndyreheva, pehovasashu ñee porãmba hei i pyndyreheva.

Opavare pipota japo pyndy reheva rãĩmi, kyrã pijapo jyve opava retare.

Hãmã ĩme'ẽ ndy rova hyvaishoipi nupavarã meẽjyshu ndyrova hyvaisho. Ĩme'ẽ rỹmondeva ĩãrẽ'õ heky ndyhevivarã, mã'ẽihe tyrahajy ĩrũ rỹmondeva. Ĩme'ẽ jurure ndevarã meẽshu; hareka na ãpoa heky rei ndyhevia avy jurure jyshu meẽjy nde verã.

Mba'ety yvyra haikaviva'ia porãmba, hareka mba'ety yvyra porãmba'ia kaviva.

Opaite yvyra jypy'ia rei ijykuaa mãrãvara; mynõ'õhã juu igo hãkaivi, hãma vycheri hãkaivi mynõ'õhã uva.