Popular Bible Verses from Marike 4

Share

Ɛ́ Yiezu yìe síɛ fɛ́, á hĩ́nà tĩ́nɛ lè pinpinù ɲún hũn, à bie lɛ́ hɔ́ ɲumu ǹ nɛ làa: «Hĩì, ɛ̀ kɔ̀ wɛ cící.» Ɛ́ lé pinpinù ɛ́ yòó dɛ̃̀; ɛ́ lé viì míkùi ɛ́ yòó wan cící. Á khie bie àá mí kɛ̀ránzɛ̀ɓɛ̀ nɛ làa: «Mí wiɛ dàa zɛ́rɛ kɛ̀amu? Mí pɛ́wi ɲɛùn yí dàa ńdɛsĩ̀nlɔ́ yée?»

Kɛ́ ɓɛ́pe ɛ́ den hɛ̀ zɛ́rɛ àá bɔ̀bín, ɛ́ ɓɛ́ khie bie ɓán hũn ɛ́ nɛ làa: «Àpe nùún lɛ pe iè wíeni, ɛ́ hɛ̀rí lè pinpinù àá hɔ́ ɲumu ɛ́ dàá wóò ɲí piè bòo?»

Hɔ́rɔsí ɛ̀ Yiezu ɛ́ van lɔ́ dũmua peɓɛ̀ máahṹ lè wiè hũn ɛ́ síeniɛ mí ɲún àá lé ɲún síenílán. Ɛ́ ɓɛ́ khie ɛ́ ɔ̀ tĩ̀ní kɛ́ ɓɛ́ ɛ́ wũamɛkɛ nɛ: «Ɲunsɔ, ké lɛ ɛ́ hí cɔ́, ɛ́ hɔ́ yá kɔ̀ koo hè yée?»

Ɛ́ Yiezu bĩniɛ zɔn khɛ́ lɛ́ ɓà ǹ nɛ làa: «Mì cɛ mi kuò ɛ̀ mi dũń hɔ́ bòo lɛ ɛ́ mí ɛ́ ɲí ɲún. Lè dìɛ lɛ ɛ́ mí wóò dàá màatɛ̃́ hɔ́ bòo ɛ̀ lɛ́ ɓɛ́ nìnbirìe ǹ iè pe ɛ́ Dɔfĩn ɛ́ ɓén dàá màatɛ̃́ ɛ́ lɛ́ miɛ ǹ, ɛ̀ Hɔ̀ ɛ́ yòó sĩiní hɔ́ ɛ́ lɛ́ miɛ ǹ.

Ɛ́ Yiezu bĩniɛ zɔn bie nɛ làa: «Dɔfĩn bɛ́záanú ɛ́ lɔ́ɓán àá nìnbírɔ lɛ van zú mí bòo mí mún hũn. Hɔ̀ sṹnúhṹn à dɛ, kɛ́ hɔ́ wiɛhɔ́ à hĩ́ní hɔ́rɔsí kɛ́ hɔ́pe bòo lɛ á zù ɛ́ lé, ɛ̀ hĩ́ní tí kɛ́ á yí dũ bòo lɛ ɛ́ hɔ́ te dàa ɛ́ wé wɛ̀.

Kɛ́ nìnbírɔ lɛ dàa ɲɛkɛ̃̀a ɛ́ dàa wóò ɲí bòo ɛ̀ ɓàasɔ ɛ̀ ɲí hɔ̀ sãàní.»