Popular Bible Verses from རོ་མི། 6

Share

སྡིག་པ་ག་ངེ་ལོང་ཤོ་ ཤི་སྲོག་གི༌ལ། དག་པ་ཀབ་ཉི་ དཀོན་མཆོག་གི་ ཏོང་པ་གེ་གནང་ཁཱན་ སེ་རབ་ཤོ་ ཨ་ཧ་གཙོ་བོ་ ཁིརིས་ཡི་ཤུ་ག་ཐུང་ཀེ་ཨ་ཉི་ ཚེ་མ་འགྱུར་བརྟན་པ་ཉོང་པེ་གི༌ལ༎

སྡིག་པ་ཤོ་ ན་ཧ་སྦྱིན་བདག་མང་གི། ཧང་ཡ་དག་ནེ་ལ་ ན་ཧ་བ་ བཀའ་ཁྲིམས་ག་ཕརའ་ཁ་ མང་གི་ཝ་ ཐུགས་རྗེ་ག་ཕརའ་ཁ༌ཅ༎

ཨ་ཤི་ཁྲུས་གསོར་ཞུ་ལ་ཀབ་ཉི་ ཨ་ཧ་བ་ ཁིརིས་ཀབ་ཉི་ཤི་ཉི་ ཝང་ཕི་ཝ་གི༌ལ། ཡབ་ག་གཟི་བརྗིད་ག་ཐུང་ཀེ་ཨ་ཉི་ ཁིརིས་གཤགས་པ་གེ་ ལོག་ཉི་བཞེངས་པ་པུརུས་ཀིན་ཨ་ཉི་ ཨ་ཧ་བ་བུ་ ཚེ་སིང་མ་ནང་ཀ་ཆོ་ལེ་ཁེ༌ལེ།

ན་ཧ་ལུས་པུ་ག་ དབང་པོ་ཐུར་བུ་ ཏེ་ངན་ཨ་ཁཱན་མ་ཅོད༌ཅོ། ལག་ཏང་ ན་ཧ་བ་ཤོ་ ཤི་ཝ་གེ་ ཚེ་སིང་མ་ཉོང་པ་ཨ་དེན་གེ་ ནའི་ནའི་ཏེན་གི་ དཀོན་མཆོག་ག་ཏཱན་ཕུལ༌ཤོ། ན་ཧ་ལུས་པུ་ག་ དབང་པོ་ཐམས་ཅན་རང་ དཀོན་མཆོག་ག་ གཟི་བརྗིད་ག་དེན་གེ་ ལའི་དེན་པ་ཨ་ཁཱན་ཅོད༌ཅོ།

སྡིག་པ་གི་ ཨ་ཧ་ཚེ་ དབང་པེ་མར་ཆེན་དག་པ་གི་ ཨ་ཧ་ནང་ཀ་ སོ་ངོ་ཁེ་པ་ ཁིརིས་ཀབ་ཉི་ ཁྲིམས་ཤིང་ཐུང་ཀ་ཇཱན༌མ། ཨོམ་གི་ནེ་ལ་ ཨའི་སྡིག་པ་ག་ཟ་པ་ མང་གི་ཝ་རི་ཝ༌ཅ།

ཨོ་ཉི་ཨ་དེན་གེ་ ན་ཤི་ ནའི་ཤོ་ སྡིག་པ་ག་ཤེག་པ་ ཤི་ཝ་གི༌ལ། དག་པ་ཀབ་ཉི་ དཀོན་མཆོག་ག་དེན་གེ་ ཁིརིས་ཡི་ཤུ་ག་མཚན་ག་ ཆོན་ཅ་གི་ལ་དག་ཉི་མི།

ཉི་ལ་ ཨ་ཤི་ཧང་ཡེག་པེ་ཡ། ཐུགས་རྗེ་མང་པུ་ རིན་ཆེན་དག་པ་གི་ ཨ་ཤི་སྡིག་པ་ཨ་ཉི་རང་ ཆོ་ལེ་སྨོ། ཏི་ངེ་རང་མ་ཨ༌ལ། སྡིག་པ་ག་ཤེག་པ་ ཨའི་ཤི་ཝ་ཆོན་ཐཱན་ཨ་ནེ་ལ་ ཨའི་སྡིག་པ་ག་ནང་ཀ་ ཧང་ཏེན་ཨ་ཉི་ཆོ་ལེ་ཡ།

ཨི་བི་ག་ཕརའ་ཁེ་ཆོ་ཝ་ཐུར་ ནའི་ཨོ་ཉ་སོ་ངོ་ག་ ཟ་པ་རིན་ཅ་གི་ལ་དག་ཉི་ ན་ཤི་སེ་ལུ་མ་ལ་སྨོ། ཤི་ལེ་རིག་ཁཱན་ སྡིག་པ་ག་གི་ནེ་བུ་ དྲང་པུ་ཅོད་ཁཱན་ག་གི་ནེ་བུ་ ན་ཤི་ཨི་བི་ག་ ཆ་གནས་ཐ་ཝ་ཐུར་ ནའི་ཨོ་ཉ་ག་ ཟ་པ་རིན་ཅ་གི༌ལ།

དག་པ་ཀབ་ཉི་ དཀོན་མཆོག་ག་ བཀའ་དྲིན་བསམ་ཁེ། ཧང་ཡ་དག་ནེ་ལ་ ན་ཧ་བ་ སྡིག་པ་ག་ཟ་པ་ གི་ཝ་ཆོན་ཐཱན་རང་གི་ནེ་བུ་ ཉི་ཨོམ་ཤོ་ ན་ཧ་ཏཱན་ཡེ་ཁཱན་ཁེ་པ་ ན་ཤི་སེམས་ནང་ཀེ་ཨ་ཉི་རང་ ཆ་གནས་ཐ༌ཝ། ན་ཧ་བ་ སྡིག་པ་གེ་ཐར་ཉི་ དྲང་པུ་ག་ ཟ་པ་རི་ཝ༌ཅ།