Popular Bible Verses from Luk 6

Share

Ariwun bakaaku, abe Atambatun n'aŋ'awunuun. O kawunuuun tu kuboote koonuun kuhooj bib ni baataayaay. Ti kinij koonuun t'Atambatun aja fu kaneefan eenij yooŋ t'aruun.

Húŋgowulan heejake aŋ'asok buroon beejake aŋarkeyi naane biyinoor beejake beemo fu ti hikawo. Bare húŋgowulan heejakut aŋ'asok buroon beejakut aŋarkeyi naane biyinoor beejakut beemo fu ti hikawo. Ábuki butum bu ufu búnuutann biyinoor beeemo bu tu búwejet bu.

N'afin áami aruun, árimaŋi enatoora yeenuun, abe n'árihiniin meejake. Arimaageniin yooŋ, abe n'arinuutan toko siheluun. Af'árihiniin iyu, aruun kabaju hisiibanu hómbokun, abe n'aŋ'áriyemi biñi bite Atambatun eeemo u t'etiir-t'etiir. Ábuki ajakajak ti kéeenaariit ku eyeehen, ni kéenafute ku.

Faaf úne ajakajak faa t'ésuk i ereyi fe. Arijak yooŋ naane akina.

—Atum'arijoonan an, abe Atambatun yooŋ at'ajoonanuun. Atum'aritinan an, abe Atambatun yooŋ at'atinanuun. Ariboŋket bakaaku, abe Atambatun n'aŋ'aboŋketuun.

—Bare aruun keejamatan kee n'íñje, iisokuun bonde: árimaŋi enatoora yeenuun, abe keehuufuun ku, n'árihiniin meejake. Árisoniyan kiŋki kañaanuun beejakut, abe n'arilaw bija ti kiŋki káhihinooruun.

Árihin bakaaku buroon b'árimaŋie bu káhin bija t'aruun.

An af'ámiñi ti kaarofaŋ, a̱waso yooŋ éemiñi ti kaaku. An n'aram éfartuus íiwe, a̱waso yooŋ eeyit kájufa kíhindaa ku. An eelawi dike doon, a̱wuno; abe an n'ayiti doon, atum'a̱ano abatikani do.

—Nunukanuk neejake ábukaariit miriyaay meejakut, abe nunukanuk neejakut ábukaariit miriyaay meejake.

Nunukanuk aŋ'akeetanee ti miriyaay mite te no. Múniyo, an átujaariit kimaŋgara ti ñisisa, man yooŋ bihemb ti ñisejend.