Popular Bible Verses from Luk 7

Share

Ho h'isok fee bonde n'awe: wuhoofoor woone weehooje wu fe wuboŋketee. Iŋ'ite ho h'áwufoore fu kámaŋi kómbokun kee. Bare an eeboŋketee diŋgilis, aŋ'ámaŋi diŋgilis. Náami Yesu eeene anaare u: —Wuhoofoor wúuwe wuboŋketee.

Bare Yesu n'aane anaare u: —Káyilen kúuwe kifakani; a̱ja káasuumaay.

Anaare u n'asiiŋo bite wuwot wute Yesu, abe n'ayiy. N'alejan wuwot wute Yesu nu muhuw moone. Ahaban, n'atot wo nu wan woone, n'áfoon wo, abe n'átis wo ni mátiso mu.

Ho híkinineŋe fu inoŋkut íitofin iibin ijuki. Bare waasi, a̱sok hirim hifeeneŋ taŋ, abe ásukateen úuma n'aŋ'ákoyi. Íñje humuumam ibajabaj bakan kéegilanam, iŋ'ijam tu boko, abe abajeebaj yooŋ esulaan k'ígilane, t'íñje t'ifi kajam. Iŋ'eene an onde aja, n'aŋ'aja; n'eene áwiyo abin, n'aŋ'abin; abe n'eene ásukateen úuma áhin doon donde, n'aŋ'áhin do. Hi Yesu ajame hu kirim kondu, hikawo nu hutoof naane. N'aweteko abe n'aane hahooja heeriboore hu ne o: —Inuuruun fíya naŋ, humuum ti bakate ku *Israyel fe, ímusut kajuku an eebaje káyilen naane konde.

T'ewahatu yendu, Yesu n'aritan bakan keehooje kéesomute ni kéetime. Ki birab bu bujoke ku, n'anuutaniin bo; kéefuume ku, n'áhiniin keejuk. Abe n'ásafin bakan ki Saaŋ áboñina ku aaniin: —Arija arisok Saaŋ b'arijuke bu ni b'arijame bu: kéefuume ku kasiŋa kajuk, keeyinaat ku bija káyinia bija, ki *yafot i ejoke ku kákoyia, bútuut bu bisiŋa bijam, keekete ku iŋi karitanee t'eket i, abe keebajut ku doon fe iŋi kajamatan Hirim Heetoofe hu.