Popular Bible Verses from Lucas 11

Share

Jlajmiliet ti asa'am ti je insisie, siuniwa asles t'ajla'asem'ni, je wenajia'm paka jiniliakie. ¿Tepi iyo siunie Asna' ti yi' poliyi? ¡Jlajma ijiatayi ti janwe'nase'm jana Sinia' jikimet ti 'es, siunapo jant'ajle!”

It'imina ti kiak awo'nase, 'ajlayi pi Sinia' siupa jisitiana', janwe'nase'm. Woyejyi'n, je ijiat ka je a'wena'. 'Yasayi pi Sinia', ja 'najlinit ask'ioye.

Siunie i'nio' ti 'yasane pi k'iejliyi, tiwenaja'm ni siunie ti'yasane. I'nio' pet ni iyojyi'n, i'wi'in ni iyojyi'n. I'nio' ni i'yase ni Sinia', ijiate Sinia' ja i'najlinit k'iye.

Jesús isiujlie ti iyo'ate: —Siuti jit'iejla', woye 'ate: “Sinia', 'esijyi ka tilisanaja ki e'e. 'Esijyi ka inesajap ni aka anechijiayas.

Ojmatk'ijimpe sik'ioye siunie sitis iyo, wona'ate awoki, siunie ti ojmatak'i wekie'e jitis iyo napo si'lijwas ni iyonts'e ti je 'es. Ke kassena'ate siunie inkajejlasaye, 'nakayipe ka je kaskajli.”

Jlomape ka wents'e'm ni jatiuwa.

Siuniwa 'ajwes jika kates niwaka atate. Ka inses niwa atate kiak janwo'ojyi pet niwa 'ajwes, siunie jla'al janejyi. Jlampet ti ja ke inses, kiak jawo pet ni 'ajwes, siunie ajnaj janejyi.

“Lajk'i wek paka ti'wena ka injweki'n japa jika kates ti jwat yi'ne, ka inen kiajwe paka k'iejliyeyi kamp'o'n ape'e. 'Wenajliyi siunie janwone ti janen pijia'm 'nakayeyi siunapo 'yu kiajwe jana 'wuk ja 'nakaj ape'e siupa ijiojwi ti t'iskiunk'iji'n.