Popular Bible Verses from Lucas 13

Share

—Jwajla'a wata'a pa ka woyeyi, 'nakayijna'a ka akajlajyi ka 'oyeyi naka ni 'wuk kiwet ni je k'isaja'm. Jajwi'lase'm ti ja 'lojwa napo i'nio' ti jawo ka 'noyi nak 'wuk kiwet ti je k'isaja'm, 'wanjliyi ja ke inkajli ka 'noyisi.

'Yina po' japa i'nioki ti jika najkapis dieciocho puwa yiji ti je 'es'ni, iyont'iyijipi siupa jiwet'ia ti je 'esiji ka ijna pijia'm, iyone jla'am siupa imosik ti yiji. Ti Jesús i'winayi, tanat'iyipi, sekyi'i iyonat'iyijpe 'ate: —Jla'a i'nioki, jijwajyi ki iyo ki awet'ia.

Jikioye yinatk'ipe ape'e, je yi' jlomayi ti 'esiet'ipi japa i'nioki, 'esieyiji ti tijna pijia'm. Sektaj'le ti iyunitiet'ipi pa Sinia'.

“Jak je iyoyiji siunapo nak nojwaja'm, ti 'wanjlik'i isia'm siu'nie jloma, napok janank'iji'n pet, jlampet siunapo inian'ni siu'nie jloma, napok ja 'wanjliyek'iji pet isia'm.”

Paj ka inamana'a ni jikimet jana 'wuk, sekjane'yi ka imp'onajamna'a ni 'wuk kiwet. Asa'am ti ja in'wanjliye kisie'e, ja anayek'ina'a wita'm, jawoyena'a 'ate, “'Yaka'niona, 'ajlinit its'ioye.” Ka woyena'a pet 'ate ti jankiuj'liase'm, “Je sitiant'ie'ase. ¿Tepi jitiajlajyi?”

Awo'ate, ¡Jeyi! Jet'i 'wanjliyi siuti ja ke awoye asosikis ink'iejyisa' ka apilieyi pi Sinia', kiak jawo'ojyi janojwa'yi.

'Yina jankiuj'liase'm ti jawo'ate, “Pajk'i ti ajwe'laseme ti awo'ate, “Je sitiant'ie'ase. ¿Tepi jitiajlajyi?” ¡Tajlak'i'm, asa'am ti jiwoyeyi siunie je 'es!”

Jesús iyoyet'ipi'iji 'ate: —¿Tent'i siupa 'yiniye ni Sinia' jika anechijiayas? ¿Tent'i siupa ka'yejnap, jla'm ijiate? Siunie Sinia' jika anechijiayas iyot'i 'ate jana mostaza jlo', janak a'yejnap, ti 'yutieta isia'm ni i'nio' yi'i ni jiwasok. 'Yina ti tekijlata, yamjli ti ijlias'ni pijia'm, paj ti je jlasiye jana a'la', ajwejnas iyoye jlopisieje ti yi'nik'i niwa jik'ase'l.