Popular Bible Verses from Mateo 18

Share

Kajeyepa ti ajiap siunapo times ni'ne ti najape ti initotisi wita'm ki iyo ni yi' ti siwunitis.”

“Kia'iyo ijiatk'i siu'nie jayo'nase ti ja poye napo times ti iyoyi t'ajlaye ti ijniul wita'm ti t'ajle ni Inia' ti yi' poliyi siunie isitia'n, ijiate Inia' janwejna'm ni siunie t'ajle.

Jesús tanayi'ni ja kia'le, yinis jika kiowe'e, sekyi'i iyo'ne 'ate: —Ijiatk'i siu'nie jayo'nase, siuti ja ke awoye asosikis ink'iejyisa', siu'neje ti ja ke anitewijnatayik'i siunapo kia'lis, je pajna'a ka 'oyeyi nak jika anechijiayas ni Sinia'.

Siunie ti ijiate jla'am ti jle' po' yi'i ni jika anechijiayas ni Sinia' naka ni je initonit, siunie iniwone 'ate siu'nie kia'le.

Siunie janki'm ilia'm siunie kia'le naka'ne siunie na'am ijyik'i, ijiate je 'wena paka inki'm ilia'm, ya'am ti isi'm ijyilia'm.

“Ijiatk'i siu'nie jayo'nase, ja k'iejliyeyipe pa jawonayi napo ika kia'lis ti jawonayi 'ate, Je 'esiji naka ka awoyeyi, - Sinia' kiak jawo'ojyi pet ja ke tijliena'ni. Kiak iyojliyi, siuti kiak jawonayi'ate, Jla'm ijiate jla'am 'esiji ka woyeyi, - Sinia' kiak jawo'ojyi, ja lajk'ipa kanwo ja ke int'onieye'yi pet.

Jesús yine ape'e ti iyo'ate: —'Yina kiak janwo'nase ni Inia' ti yi' poliyi, jane'yi pa ti asa'am siuti kiak jawoyeyi ja ke anip'elisina, ti ja ke ijiatayi ka anetiajnata ni jitis iyo napo a'lejwas.

“Jane'yi pa siupi ti jank'ajlinit ti janwoyi ni jike' siunapo je 'esijiyi ti sajmela'aja'n ti je ilijin'ni ijyik'i, iyo'ate siu'nie kia'le. Janakaye'ne siunie ti ja titietaja ni i'niat jlajlik'i ti ja tits'ijwana 'woyi siojona sisaj ti kiojieti, ti janemk'ana'ni.

“¿Tepi iyo? Siunie i'nio' cien niwa jiliajwas 'wolepo', 'yina netia'n jana ijwienjli. ¿Ma je iliyi kiu wek ts'e niwa ijia, siuniwa noventa y nueve, ti ya'am ti iyojyin'ni?