Popular Bible Verses from ಯೋಹಾನ 3

Share

ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ.

ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊತೆ ಆ ಜಗತ್ನ ಅದ್ಮಿನ ರಕ್ಷಣೆ ಹೋಣುಕರಿ ಮೋಕ್‌ಲ್ಯೊತೆ ಪಣ್ಕಿ, ತೀರ್ಪ್‌ ಕರಾನಖ್ಹಾಜೆ ಕಾಹೆ.

ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್‌ತೋಬಿ ಏಕ್‌ ಜ಼ಣು ದೇವ್ನಿ ರಾಜ್ಯಮ ಪಾಛು಼ ಪೈದಾ ನಾ ಹುಯೂತೊ, ದೇವ್‌ನು ರಾಜ಼್‌ನ ದೇಖಾನ ಕೋ ಹುವಾನಿ?” ಕರಿ ಬೋಲ್ಯೊ.

ಇನ ನಂಬವಾಳಾನ ತೀರ್ಪ್‌ ಕೋ ಹೊಯ್ನಿ, ಕತೋಬಿ ನಂಬಕೊಂತೆ ಇನ ತದೇಸ್‌ ತೀರ್ಪ್‌ ಹುಯ್ಗಿ. ಶನಕತೊ ಇನೆ ದೇವ್ನ ಎಕ್ಕಸ್ ಛಿಯ್ಯಾನ ನಾಮ್ನ ಉಪ್ಪರ್ ಭರೋಖ್ಹೊ ಕರ‍್ಯೊಕೊಯ್ನಿ.

ಯೋ ತೀರ್ಪ್‌ ಶಾತ್‌ಕತೊ ಉಜಾ಼ಳು ಜಗತ್‌ಮ ಆಯುತೋಬಿ ಅದ್ಮಿವೊನು ಕಾಮ್ ಖರಾಬ್‍ಥೂತೆ ಇನಖ್ಹಾಜೆ ಇವ್ಣೆ ಉಜಾ಼ಳೇಥಿಬಿ ಅಂಧಾರನ ಪ್ಯಾರ್ ಕರ‍್ಯು.

ಯೋ ಉಪ್ಪರ್ ಪಡಾವ್ಣು ಅಜು಼ ಮೇ ಹೇಟೊ ಹೋಣು” ಕರಿ ಬೋಲ್ಯೊ.

ಖರಾಬ್‌ನ ಕರಾವಾಳು ಇವ್ಣು ಖರಾಬ್ ಕಾಮ್‍ಅಖ್ಖು ಭಾರ್‌ ಆವ್‍ತುರ‍್ಹೀಶೆಕರಿ ಉಜಾ಼ಳಮ ಆವಕೊಯ್ನಿ ಅಜು಼ ಉಜಾ಼ಳಾನ ವಹೇರ್‌ಕರಸ್.

ಇನ ಛಿಯ್ಯಾನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಛಾ಼; ಕತೋಬಿ ಛಿಯ್ಯಾನಿ ವಾತೆನ ಝಿಟ್ಕಾರಸ್ಕಿ ಇವ್ಣುನ ಯೋ ಜಿ಼ಂದ್‌ಗಿ ಮಳ್‌ಶೆ ಕೊಯ್ನಿ, ಅಜು಼ ದೇವ್‌ನೊ ಇರಾದೊ ಇವ್ಣಾಪರ್ ರ‍್ಹಿಶೆ” ಕರಿ ಬೋಲ್ಯೊ.

ಮೋಶೆನೆ ಉಜ್ಜಾ಼ಡಿ ಝ಼ಗೋಪರ್‌ ತಾಂಬಾನು ಖ್ಹಾಪ್‍ನ ಊಚ಼ ಖಂಬಾಪರ್‌ ಮ್ಹೇಲ್ಯೋತೆ ಇಮ್ಮಸ್, ಅದ್ಮಿನೊ ಛಿಯ್ಯಾನಾಬಿ ಊಚು಼ ಪಾಡ್ನು.

ಅಜು಼ ಬಾ ಇನ ಲಾಡ್ನ ಛಿಯ್ಯಾನ ಇನಿ ಅಖ್ಖಿ ಅದಿಕಾರ್‌ನ ದೀರಾಖ್ಯೊಸ್.