Popular Bible Verses from ಯೋಹಾನ 4

Share

ದೇವ್ ಆತ್ಮ ಹುಯಿರ‍್ಹೋಸ್, ಇನ ಆರಾದನೆ ಕರಾವಾಳು ಆತ್ಮಥೀಬಿ, ಖ್ಹಾಚಿಥೀಬಿ ಆರಾದನೆ ಕರವಾಳು ಹುಯಿರೇಣು” ಕರಿ ಬೋಲ್ಯೊ.

ಖ್ಹಾಚ ಆರಾದನೆ ಕರಾವಾಳು ಬಾನಿ ಆರಾದನೆ ಆತ್ಮಥೀಬಿ, ಖ್ಹಾಚಿಥೀಬಿ ಕರ್ಶೆ, ಯೋ ವಖ್ಹತ್ ಹಂಕೇಸ್‌ ಐಗು. ಬಾ ಇನ ಆರಾದನೆ ಕರಾವಾಳು ಅಮ್ನುಸ್ ರ‍್ಹೇವ್ಣುಕರಿ ಆಖ್ಹ್ ಕರಾಸ್.

ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

ಯೇಸು ಇವ್ಣುನ ಬೋಲ್ಯೋಕಿ ಮಾರು ಖಾಣು ಶಾತ್‌ಕತೊ ಕೋಣ್ ಮನ ಮೊಕ್‍ಲ್ಯೊಕೀ ಇವ್ಣಿ ಆಖ್ಹ್‌ನ ಪೂರ ಕರಾನುಸ್ ಹುಯಿರುಸ್. ಅಜು಼ ಮನ ದಿದೂತೆ ಯೊ ಕಾಮ್ನ ಪೂರ ಕರ‍್ನು

ಯೋ ತಯೇಡ ಇನ, “ಪ್ರಭು, ಪಾಣಿ ಶೇಂದಾನ ತಾರಕನ ಶಾತ್ಬಿ ಕೊಯ್ನಿ, ಬಾವ್ಡಿ ಘಣಿ ಗಧಾರ್ ಛಾ಼, ಅಮ್ ರ‍್ಹವಾಪರ್ ಯೋ ಜಾನ್ನು ಪಾಣಿ ತು ಕಿಮ್ ದಿಶ್?

ಯೋ ತಯೇಡಾನೆ ಇನ, “ಮೆಸ್ಸೀಯ ಆವ್‍ಶೆಕರಿ ಮನ ಮಾಲುಮ್‌ ಯೋಸ್ ಕ್ರಿಸ್ತ, ಅಜು಼ ಯೋ ಆವ್‌ಶೇತೆ ತದೆ ಹಮೂನ ಹರೇಕ್ ಬಾರೇಮ ಬೋಲಿವತಾಳ್‌ಶೆ” ಕರಿ ಬೋಲಿ. ತದೆ ಯೇಸುನೆ,ಇನ ಬೋಲ್ಯೊ “ತಾರಿ ಜೋ಼ಡೆ ವಾತೆ ಬೋಲುಕರುತೆ ಮೇಸ್ ಯೋ” ಕರಿ ಬೋಲ್ಯೊ.

“ಮೇ ಹಂಕೆತೋಡಿ ಕರೀತೆ ಖ್ಹಾರಸ್ನ ಬೋಲ್ಯೊತೆ ಏಕ್‌ ಅದ್ಮಿ ಹಿಜ್ಜಾ಼ ಛಾ಼. ಐನ್ ದೇಖೊ, ಯೋಸ್‌ ಕ್ರಿಸ್ತಕಿ ಹುಯಿರೇಣು ಶುಕಿ?” ಕರಿ ಹಿಜ್ಜಾ಼ನು ಅದ್ಮಿ ಖ್ಹಾರಾನ ಬೋಲಿ.