Popular Bible Verses from Markus 13

Share

Kou kiawi' bisigon nu lobuw so' mongowaid kou so Aku, nga isai yo po tumaan mongowaid so Aku sampai so pongoowi'an nu wonuo tu, osopulan iyo,” koo si Yisus.

Indadi, kimati om mingat-ingat kou yo, so' dai muyu oilaan ong sombiya ourug ono.

Bang okomon om owiton kou so poomubisora'an, adang-o gumagau onu tongaron muyu. Ologa' yo putongaran, tongaro muyu ya onu nikoilo so kou nu iya oono, so' totongaron muyu nu iya oono okon ko totongaron muyu kondiri, nga kiat so Atod nu Kinoringan.

Lumiong ong tana' om langit tu, nga tinongaran Ku musingkolaid,” koo.

Mutongaro po si Yisus nu, “Soko ono pona, d'ado ido koilo ong sombiya ourug ono sondiang ko Kinoringan Amo so surga. Insan ongo susuu'on so surga om Aku, Anak Niyo kondiri, dai ya koilo nu ono.

Korongou kou nu ugod-ugod mualod om puobaran nu muwiwintos, nga ikod kou yo kilaa'. Subai ourug kiawi' oono nga okon po ko sonduun-duun pongoowi'an nu wonuo tu.

Ono yo ko', koingat-ingato muyu yo, so' dai muyu oilaan ong sombiya Aku lumoga', kalu umpak nu awi-awi, tonga' nu awi, duruk sumuab, intawa minsosarap. Bang milok po om lumoga' Aku, adang-o osunsungan kou moturuw. Onu yo po tongaron Ku so kou iitu no, tongaron Ku po so kiawi' lobuw nu mingat-ingat-o!” koo.

Ido bansa lumawan nu bansa wokon, om bansa so ido tontong muimpolanu mualod. Siombo-ombo nga kilikop om gumunggun su tana'. Kiawi' nu ono ponimpuunan nai' nu kosonsora'an, soko woinoi ingoton nu mokipupuanak-o.

Subai niabar po Abar Owarong oono so kiawi' bansa.

Mutangar Aku soko ono so' osuang lobuw lumoga' ong wagu mongaakal nu, ‘Aku yo su Raja Nijanji nu Kinoringan,’ koo.

Indadi koingat-ingato muyu yo, so' kou yo po ono okomon om owiton so poomubisora'an. Kou kiawi' lubakon so ongo waloi sosombooyangan. Owiton kou tumingkuang so ongo lobuw kikopogboya'an om raja, so' mongowaid kou so Aku. Om ono yo su kosiwatan muyu potuturan so nosiro nu Abar Owarong kiat so Kinoringan.

so' lumoga' nu iya oono tinu-tinu moomudut nu nosiro yo Raja Nijanji nu Kinoringan om musingkopoo'abar nu Kinoringan. Mugogoma'on nosiro nu koiran-iran pomalid nu lobuw, om insan lobuw-a pinili' nu Kinoringan ookalan-a nosiro.

Mutongaro po si Yisus nu, “Dai olaid kiat nu ono, tumuong sono su runat om wulan. Bopuritakan su korombituon om kiawi' moomogkuasa so puola'an nu kawut om langit tu minsid kiat so pinolakan-o.