Popular Bible Verses from Markus 14

Share

“Oo Amo! D'ado onu-onu dai Mu owaal. Bang moingin Ko, kodi yo poirosai so Aku kosonsora'an iitu, nga okon-a ko koinginan Ku no su ourug, sondiang ko koinginan Mu no ya,” koo.

Pogdu'a om koingat-ingato muyu yo, su' dai kou kowaid so ponginaman. Inawo muyu no mokipopomaal dadan nu owarong, nga dai kou kogoos momaal nu ono so' kou yo po lobuw-a,” koo.

Ondomo muyu yo tangar Ku iitu: Siombo-ombo ya poobaran nu Abar Owarong kiat so Kinoringan so pilolongkop nu wonuo tu, ginama' nu woinoi iitu nga kotuturan-a nu pongoondoman so iyo,” koo.

Mutongaro yo Iyo so nosiro nu, “Sobana ko maagut inawo Ku no om moipopatoi yo koirosaan Ku. Ogol kou yo tuui om maid kou yo so Aku mingat-ingat,” koo.

Laid nosiro mongokan-i, mongolapo yo si Yisus nu baang-baang om mongunsopoto yo so Kinoringan. Kobi-kobio yo Niyo baang-baang iiri om boogio yo so mompomaid Niyo ri maid nu mutangar nu, “Olapo om okano muyu yo itu! Itu yo su koyuwan Ku,” koo.

Nopupus iri, olapo yo Niyo sawan kiasuw nu anggur-i om mongunsopoto yo so Kinoringan. Taaki yo Niyo iri so mompomaid Niyo ri, om monginumo yo nosiro nu anggur iiri. Noopod iri mutongaro yo Iyo nu, “Itu yo su raa' Ku, pinonapus nu janji nu Kinoringan. Nituntug ono suat so lobuw suang.

Mutongaro yo sono si Yisus so mompomaid Niyo ri nu, “Putongiasan muyu Aku mongolaiw ong wagu, so' nokosurat-o so Buuk nu Kinoringan nu, ‘Potoyon nu Kinoringan wowaidon oono, om mompomaid Niyo no botongiasan mulaiw,’ koo ri.

Rios kou yo, om kayo toko yo! Orani yo lobuw mongoraai so Aku no,” koo.

Nga mutongaro yo Iyo so si Pitrus nu, “Ondomo yo! Dai po kopongingkukuuk piu' no induo nu awi tu, intolu ko yo mongolim nu dai otondu'an mu Aku,” koo.