Popular Bible Verses from Mateus 27

Share

Piquirim pin iri na xina ne, pain 3 hora ma', merem ac ca na Jeju. Merem mip na: Eloí, Eloí, lamá sabactâni na ca merem nucun. Pain ca merem ac i ma' ca ma', ca' na ca tomi' mao nein: Iri' Jam ne, Iri' Jam ne, para paca' mapa' ma' quem, ac i ma' na ca tomi' mao ne ca merem nucun.

Ane ane wein mao ac ca na cote ca wom co wa pe nain cote ne xiricon Iri' Jam ma', co tao' caho' nain iri' ca pe ne panaxicon pain iri' paxicom cain. Wein ac nain ximijacon. Wein quiji' mao nain macan'. Cocoroc ac ne na macan', pa horohot pin ac ne na oro cote ne pacun. Pa pin ac ne na oro manain pacun ca cut corom to tococwa co wara cono' nana ma', to' e' mami' mija ac tococwa na co wara howa nana pain ca e' e' wet nucucun quem.

Merem mami' ac ca na Jeju, merem mip na. Mi' inem pain tamatara ca' Te. Querec wet rain ta non. Mi' ac con pain na quem.

Taramaxicon ma', cocon oro soldado nucun co querec wet nonon Jeju ma', querec iri nanain ca cocoroc ne macan' ma' ne, querec iri nanain oro ca ara ne con Jeju ma' ne. Jin' tamana ac caca na. Iri' Panxica Iri' Jam ca ma' ira nana.

Tocon xina pin iri na ne, xim pin ac ne na. Iri' xim na, xim xim pi' pin na pain oro xijein macan'. Piquirim pin iri na xina ne, pain 3 hora ma', toha pin mami' ac ca na quem.

Cain' cain' xiton Jeju cwa', co Cristo ta caca oro win ma' ca ma' quem ac tococwa na. Om na, na e' na pain ca to' pa' pin tocwa pain ca tatatain mi' tocwa pain pana ta nana. Cain' cain' xira pahu'? Para em' na hun ma' quem ac tococwa na. Merem mip merem mip ac caca na: Om na, na e' na pain ca to' pa' pin tocwa pain ca tatatain mi' tocwa pain pana ta nana.