Popular Bible Verses from Marcos 10

Share

Win ta' ca'. Wata' paxi' na co Iri' Wari' cwa'. Ane om maqui' ta' pain ca taramaja mi' xine xuhu' ne, om na. Taramaja mi' pan xim inuhu'. Mi' pin caho' xim inuhu', ma' ta witan mija hwe ta inuhu'. Je ca maqui' ta' ca' na ca tomi' tococwa ma'.

Noro ac tococwa na. Om na, wari' ma', om ca to' witan pan ac xucun. Iri' Jam ma' iri na ne, ha' non pain ca to' witan cocon oro wari'. Ha' ha' pi' pin non oro carawa ta na ca tomi' tococwa ma'.

Mao ra ta ac con na. Xio pin ma, xi om ne ca howa ara mapa' ta non. Querec mami' hap ac ca na, ja' ja' ac con na Jeju.

Je ca om na camain' ne pain ca to ni ca' xequequem tarama' cam manacon ta. Xi wirico ara ca Iri' Jam co mi' nanam pain ca an xequequem ta na ca tomi' tococwa oro fariseu ma'.

Noro ac con na Jeju. Xiram pa' non. Ma' xica' pe na carawa ca om ara querec ma ma' ac con na. Mo vender vender pi' pin rain oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta non.

Ma' carawa ca ara mi' ne mapa' ma' quem ac con na Jeju. Om na, querec mami' xita' na ina ta Taramaxicon co ca' na taxipa' capijacon Iri' Jam ac con na.

Ane om na ne pain ca an xiho' huhun ne. Jimama' je. Mo ta param hwein ca taramaxicon wa ma', om ta xec xec hwe, taramaja mi' pan jujun oro win ma' hwe ma'.

Je ca tomi' xuhu' ca', tomi' iri'o' inuhu': Mo ta om an xiho' hwehwem hwijima' pain ca tomi' querec te cocon Iri' Jam pain ca taramaxicon pe ho' xuhu' ta cocon ma', om ta hwet camain' hun pain ca taramaxicon pe ca pain pawin cain ta na ca tomi' tococwa ma'.

Je ca tomi' xuhu' ca': Oro co hwara' opa nana pain xocori ca', ame hwe e'. Mija ac caca tara co hwara' opa hwara' opa om pin nana. Oro co om hwara' opa nana pain xocori ca' iri na ne, ame hwe e'. Hwara' opa pin ac caca tara quem na ca tomi' xo' tococwa co taxipa' ca ma'.

Ane om ac i ma' ne pain cara pane ne, pain ca xo' quep qui' con wari' Iri' Jam pane. Ca' na ca xirao' pe xine con: Quep iri non wari' Iri' Jam pain cara pane ne, quep ac con na tarama', quep ac cam na narima' quem. Je ca xirao' pe xine i ca' quem: Tarama' ma', pe ho' pe ho' om pin toron cote ca cam jicon. Pe ho' pin ac cam tara manacon. Ac ca xica' pe pin ne tara cwerequequem ta na ca xirao' pe xine pane. Je ca tomi' xuhu' ca' ac tococwa na. An pin iri nam narima' tarama' ma' ne, xica' pe pin ac ne na cwerequequem. Om ca tocwan mami' ne cwerequequem.