Popular Bible Verses from Marcos 9

Share

Mo ta ha' quem mapa' ra ac con na. Cain' cain' xima quem? Om na carawa ca tanacam' napa' pain ca howa mapa' ta na ca tomi' con ma'.

Howa paxi' inem ta ac con na pain ca tomi' hap con ma'. Quep xiho' ne e'. Mi' ne pain ca howa mip xim ta non.

Corom mao iri nain xirim Jeju ne, tomi' querec ac cocon na co taxipa' ca ma'. Xica' to nana, om nonon xucun wari'. Para om ha' caparut pain ca tomi' mo pin urut con caxicon jam cara ne nonon. Om na, caxicon jam co an xiho' non co pacara ne, co corom pe ho' non pije' cara ne, na e' non wari' co tomi' mi' non con Iri' Jam ma', co an pe nain ca cao' wa pain ca tomi' mi' con quem na ca tomi' tococwa ma'.

Awi na sal, to' wita awi nain oro carawa ca cao' wa. Mo ta wita wita om ne, mo ta camain' pin ne, cain' xi wita mami' ac ne quem? Je ca tomi' xuhu' ca': An xiho' jein sal pain ca quep xiho' caracan xujuhu' ma'. Xin ne xujuhu', tomi' querec te xujuhu' ta na ca tomi' tococwa ma'.

Tomi' ac tococwa na co taxipa' ca ma': Noro jun pije' cwa', co om hwara' opa cwa'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Om ca xica' pe querec te capa'. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'.

Je ca tomi' xuhu' ca', tomi' iri'o' inuhu' ta ac tococwa na. Wari' co xiram pa' nuhu' ma', pain ca mi' cuhu' pain wijimain carawa ma', am cam mi' xim cuhu' pain wijimain com. Mo ta tomi' ca' cuhu': Cam mi' xim pain wijimain com ca', xi om ne ca howa ara mon Cristo ta, mo ta tomi' ac i ma' cuhu'. Main mi' ac con tara pain oro ca awi wa Iri' Jam ta na ca tomi' tococwa ma'.

Wari' co to' caracat non win ma' ca co om hwara' opa ma', co an xiho' non pije' co howa napa' cwa', wap tamana ac con tara Iri' Jam ta ac tococwa na. Mija tara ca jain jain ca con. Mo xi tucu xine cote ne pacun pain paramacon ma', mo xi xin pocom mi' tocwa pain cote ne com quem, jain jain pije' ac ca xira. Pain ca wap ton con Iri' Jam pain ca to' caracat con wari' co an xiho' non pije' ma' iri xira ne, mija tamana pan ac ne xira ca jain jain ca con ta.

Mo ta to' caracat quem tucum ma' quem, pain ca querec param ximao main ca om awi wa ma', noro maho' rain e'. Ac ca hot pin main tara. Hohot na pain ca mao main pawin ca taramaxicon pe ca Iri' Jam ma', pain ca om ne tucum ma'. Cain' cain' xira quem? Hohot xira pain ca xin mi' xima pain cote ne xe ma', pain ca ma' ma' wet ne tucum ra? Om xi hohot ne ta.