Popular Bible Verses from Mark 13

Share

Bi gun ɓə i koor yin jaa, lɛ wo ne par ər hul kula sɨgra marway mu tɨ tong gɨna ɓə nina.»

I kay jicina tɨ i ndɔ sul, yḭ ka ley lom lo, kəysul yḭ una ɗa̰y ne wa̰y ne ɓə an lo.

Gorne a wo na i saal tɨ jaa tungni tɨ i sul gɨna, i ka ilgɨ tɨ ja ne wo wag tɨ i mu lo, kəysul tɨ yḭ jo i wo ja jaa lo, lɛ tɨ Lal ɓari jo wo ja jaa tɨ i mu gor.

Ndɨlasul la nəgri sul la ɓə ɗira lɛ, ən jaa ɓə ɗira lo bad.

«Lɛ jaa ne tuna ɗa̰y sul ɓee lula sul gɨna, wo ne una in teni. Malayka tɨ ndɨlasul la yin Wo Ɓa̰ kaw i una lo lɛ, ən Ba ɓudu ngoy jo una.

Gorne yḭ ɓə sal jaa laa la, sal nig laa la gɨna, i ka i ndɔ cḛy lo. kəysul mum ne ɓə an, lɛ ne tɨ dunya̰ na mu tɨ tong ɗang lo.

Yḭ kay jicina tɨ i ndɔ sul kəysul yḭ una ɗa̰y ne Baali tɨ gə̰y ɓə duga hina lo: Ɓə tɨm na jeel ɓee, na siyɛl daan ɓee, na un lɔ ɓee na gaan kaw i ɓə una lo. Jo ər duga ər hina ər do ī tɨ lɔr gɨna, ər ka i tina tɨ lom sul lo. Jaa ne ən ja gɨ i le ən ja gɨ bi gun: Yḭ ka lom ɗula tɨ i ji lo.»

Bi tɨ lɔr ɓudu ɓə ndɔ kay tɨ paa tɨ lɔr jak muna la, woom ɓə o̰ peer muna la, nəgri sul ɓə dig na un tɨ dunya̰ la, ndula ɗəng ɓə tɨba tɨ bi sul la. Gorne mum ne ɓə an gun gɨna, ɓə tɨm kuna pɛw tɨ ɓa̰ twila lɔ ɗula.

Toni barita mum ne ɓə an, ka ən Jaa Ndinimani beel tɨba tɨ bi gun tulɔ tɨ dunya̰.

Kəysul bi dɨbla wo hina na ən ndil, jakaw ɓə ja ɓə: “Yin tɨ Krist ne Ndɨla ɛr!” La a ɓə bi dɨbla tan.

Lɛ i, kay jicina tɨ i ndɔ sul ɓə bi ɓə na i saal tɨ bi tɨ lɔr sul sula kwi la a ɓə i ɗɨb tɨ Juyb-a na ləgɨ tɨ paa tina hul la, a ɓə jaa tungni tɨ i sul tɨ guborno̰-a kwi la, tɨ woom la kwi yin jaa. Tɨ un ne yḭ ɓə na ən ja jaa tɨ a kwi.

Kəysul Mesi ɓori la nebi ɓori la, a ɓə o̰ a ɓə mum ne ka ayri kar la, mum ne ɓɔrji dɨbla kar tɨ bi tan, jo a ten ul mu gɨna, a ɓə bi ne Ndɨla ɛr a kaw tan la.

Jesu ja gɨ a cam: «tɨ ɗa̰y ne hul tɨ pɛw ɓəgri, lula ɓə duga ɗoy matata la, pya̰ ɓə sadala par la, meri ɓə tɨbɨn tɨ nəgri la, mum tɨ dwari gun ne wo tɨ ndɨlasul ɓə tɨbɨn tɨ lɔr.