Popular Bible Verses from LVGYO 1

Share

Nghuot laus eq Gyingshang Dyos namoq thoq mas jweh lyis, namoq yomsoq yoh yoeus das las, namoq gas Yerusalem wugungs yahge Yuda mau gonh, Samari yahge nyeisjvng goms shoq ngah kanghjyoeng tsain duot das, ge.

Nyang nyamoq lyis taiq zis gas, Uwus gas nyah vmingh yah toeuq toh dah shishenh yahge yoq lyis namoq ma seq noh.

Housoeh nyamoq yah dvgeh huom nyeis lyis, nyang nyamoq lyis taiq zis gas, Yerusalem masyah ma thuq thuq, namoq ngah jyank masyah xauhgyo yoeus das, Uwus dah dangthoengh lyis langh nyeis geh. Khasoeh ge lyis Yohan gas jeis yah jeisnyhop dyei, namoq gas ma nyangh lyis Gyingshang Dyos yah jeisnyhop dyei zis xauh das, ge.

Nyang shanghsenh kham thang lhyi, nyeici nyeih top nyamoq lyis nyah gungs nyoshoq lhain chixoeuq las, nyang dwis nyeis cho ma yoh he dah kanghjyoeng vja ja yah Chixoeuq. Nyamoq gas nyang lyis nyvng las nyang nyamoq lyis maukhung munghdan cho taiq kyoh.

Haih zis dye taiq las, nyamoq yoeuh nyeis lyis, nyang lyis nyhang mas toqh yoeus loh las, jyommauh dvbungh gas nyamoq xikkhonh masyah nyang lyis po loh.

Nyang doq loh tyamp las, nyamoq maukhung mas yoeuh tsuk toh shih lyis, yoeuh aq, dyi thyoeu wuot dah dius aiq yuk nyamoq nvm mas yap thuq los las, Galile bang eh, chamus maukhung mas yoeuh tsuk toh shih goh lah? Namoq dah xikkhonh masyah maukhung mas toqh kat zis xauh soeu, Yesu gas namoq nyvng nyeis lyis loh zis yah dvyhangteh, housoeh doms jweh lyih das, ge.