Popular Bible Verses from LVGYO 2

Share

Petru nyamoq lyis taiq zis gas, Namoq dah yaunos khyuot dyei das xiklyis namoq yuk khanghmuh nhaiqlom thaiq las, Yesu Khristu dah nyings mas jeisnyhop kham geh. Housoeh lyis Gyingshang Dyos ge dah jyungshuk gas namoq xauh yoeus das.

Hauh bang gas lvgyo jens dah jyauh cho, dvgeh zomh cho, ohlhyoq khyiq gvm cho yahge shvmanh dung cho mha wontang tsain chank.

nyamoq dvnganh eq Gyingshang Dyos dyingh las, Dyos yah jyuonh zis yah dvyhangteh, gohtoeu nyingh yah tsain taiq los.

Hauh uhlyis maukhung masyah uklyeis los teh, nyetlos nyettant nyings thuq los thwe ka, nyamoq tsung toh dah yvpkhau mas dyingh los. Nyilhyam teh zis eq thuq los las, nyamoq nyang yuk nyang toeu dah thoq mas lyih no joq. nyamoq dvnganh eq Gyingshang Dyos dyingh las, Dyos yah jyuonh zis yah dvyhangteh, gohtoeu nyingh yah tsain taiq los.

nyamoq gas nyeih yau nyeih yhenmuh mas zophuom lha, nyamoq dah yhen mas gaus gaus yis yis dyei mes ehnyet yah chomp zo shuk. Housoeh nyamoq gas Mangso lhyi chunghtoq zis yah dius dvnganh dah chungh cho lhyi xauh lhom yoeus. Nyeih khanghmuh Yhensain gas khyuot yoeus xauh bang lyis nyamoq phung mas je los nhang.

Mangso heisoeh ge, Thang thank buisnyeis lyis ngah Dyos, Dius dvnganhmoq thoq mas huot khyoq las, namoq dah loloeu lonyi jens lvpe pe das; namoq dah wotyamh jens nyoqnyvng nyvng las, namoq dah lokhoq jens yhetmoq moq das.

Lomsjingh bang dvnganhmoq gas dvjoq mas dvgeh huom lha, nyamoq yoh dah vyhang dvnganh xonh yhung. Nyamoq gas vsainnyang dah kyahsoe zisyos lyis eq ungh las, dvnganh lyis nyamoq chah zis yah dvyhangteh gvm dyei.

Hauh uhlyis Yhensain nyah nyings lyis lui soeu khanghmuh khyuot yoeus zis xauh das, ge.

Kuhxing duk bvng ge dah hauh Yhensain dah buisnyeis ma jweh shih lyis, Buis gas mauchuotdwang bweh tyamp das, Lhamhmuh gas suih teh bweh das.