Popular Bible Verses from YOHAN 14

Share

Nyenstap cho ngos namoq lyis toh toh dyei. Ngah nyenstap zis ngos namoq lyis dyei goeus: mungkvn mas bang dyei yhangteh ngos namoq lyis dyei zis ma nghuot. Namoq ehnyet vnyo goh, gyuk eq vgyuk goh.

Yesu nyang lyis taiq zis gas, Ngos gas cho eq, jyoeng zis eq, kang eq nghuot. Ngos masyah ma nghuot lyis gas ngah Uwus jyank mas hank eq ma yoh jweh.

Namoq ehnyet vnyo goh: Mangso lhyi lomsjingh geh, ngos lyis eq lomsjingh geh.

Ngah Uwus ngah nyings masyah nhang kat das dah Nhaiqtaink soeu ge dah Gyingshang Dyos gas, namoq lyis dvnganh yah jyauh las, namoq lyis ngos taiq toh dang dvnganh yah soh nhang das.

Ngah tyingtoh dang yoh yoeus las chank kuot soeu ka ngos lyis jyetdap soeu nghuot. Ngos lyis jyetdap soeu lhyi ka ngah Uwus eq jyetdap das. Ngos eq nyang lyis jyetdap zis yah ngvnyang gungs nyang, nyang lyis chixoeuq das, ge.

Ngos gas Uwus jyank masyah dung das. Uwus gas namoq yah vcaiq vto nyeis das dah gohtoeu Nhaiqtaink Soeu dvyuk namoq lyis dyei das. Mungkvn gas hau jyoeng dah Dyos lyis ma nyvng ma seq yvmvyah ma tsain lhom yoeus. Namoq gas nyang lyis seq: khasoeh ge lyis nyang gas namoq yah dvgeh nghuot, namoq mas nyeis das.

Housoeh Uwus gas Lo mas phunk yoh chungh shoq, ngah nyings yoeus las namoq cha dung lyis ngos kuot dyei das. Namoq ngah nyings yoeus las ngah jyank mas dvja ja dung lyis ngos kuot dyei das.

Namoq ngos lyis jyetdap nghuot lyis gas, ngah tyingtoh dang lyis chank kuot geh.

Ngah Uwus dah yhen mha joqyos nyoshoq bos: hauh zis ma joq lyis gas, Ma joq oen ngos namoq lyis taiq goeus jvng goeus; khasoeh ge lyis namoq nyhenshang joqyos sont das xiklyis ngos loh das.

Ngos loh las namoq xiklyis joqyos sont toh las, ngos nyeis jang mas namoq eq yoh nyeis shoq, ngos doms lyih las namoq lyis ngah jyank mas shwih yoeus das.

Thoma nyang lyis taiq zis gas, Yhensain eh, nvng khapheh loh das zis eq ngamoq ma seq zis, cho khasoeh seq das lah, ge.