Popular Bible Verses from YOHAN 15

Share

Ngos gas zvbiq nwis nghuot, namoq gas vko tsain nghuot. Ngos mas dap joq las ngos eq hauh soeu mha dap nghuot lyis gas, hauh soeu ka vshih nyoshoq yoh shih los das: khasoeh ge lyis ngos yah gang lyis namoq cha eq ma yoh kuot das.

Ngos mas dap joq geh, ngos eq namoq mas dap joq das. Zvbiq ko ka zvbiq nwis mas ma dap lyis gas nyang kyingh vshih ma yoh shih zis yah dvyhangteh, namoq eq ngos mas ma dap lyis gas vshih ma yoh shih das.

Namoq ngos mas dap joq las ngah dang eq namoq mas bos joq lyis gas, namoq dung mes zis dung geh, yoh das.

Namoq ngos lyis khyen yoeus zis ma nghuot, namoq lyis ngos dvkhyen yoeus. Housoeh namoq lyis toeuq toh zis gas, namoq thuq loh las vshih shih das xiklyis nghuot las, houka namoq dah vshih joq das nyhenshang nghuot. Hank laus eq namoq ngah nyings masyah Uwus jyank mas dung lyis nyang namoq lyis dyei bas jungh.

Buisnoms xiklyis nyah kang dyei tyamp shoq jyetdap thoq lyis zes kuh dah jyetdap ehnyet gas hank jyank mas eq ma bos.

Ngos mas vshih ma shih dah vko khanghmuh lyis gas, nyang choeu tyamp. Vshih shih dah vko lhyi ka zes shih bas jungh, ge shang kat.

Ngos namoq lyis jyetdap zis yah dvyhangteh namoq nyang changh nyang jyetdap goh nyeis geh. Hauh zis gas ngah tyingtoh dang nghuot.

Namoq vshih nyoshoq shih los yvmvyah, ngah Uwus phunk lyis chungh zis xauh las namoq eq ngah changlo duot los das.

Ngos gas jyoeng dah zvbiq nwis nghuot. Ngah Uwus gas khyam sain nghuot.

Ngos mas ma dap soeu ka nyhauh loh dah vko lhyi teh doeuh tyamp zis xauh das. Hauh yvlyis dius yah nyi mas khyom kat las ngeh jom tyamp das.

Ngah dah gaus ehnyet namoq mas bos joq das zis yahge namoq dah gausyis zis dyingh los das xiklyis, haih dang ngos namoq lyis taiq toh.

Ngos gas ngah Uwus dah tyingtoh dang chank kuot las, nyah jyetdap yvmas nyeis zis yah dvyhangteh, namoq eq ngah tyingtoh dang chank kuot lyis gas, ngah jyetdap yvmas nyeis das.

Namoq dvyuk yah dvyuk jyetdap goh nyeis bas jungh oen ngos namoq lyis haih dang tying toh.

Namoq mungkvn yah sen bang nghuot lyis gas, mungkvn gas vsainnyang yah sen bang lyis jyetdap. Namoq gas mungkvn yah sen bang ma nghuot, haih mungkvn masyah ngos namoq lyis khyen yoeus yvmvyah, mungkvn gas namoq lyis hoeng.