Popular Bible Verses from Lukas 16

Share

Nimi etneri tam ologne wali sik uro saelba urop tanena, tam nubunge babe, ‘Wali sik uro saelbalulam,’ aro eldi saeag pimnep. Apna nimi etneri tam ologne sik uro saelba urop kom tanena, tam nubunge babe sik uro saelba urop kom.

Nimi nhon arukna wamnari, iliri awe tolamna tanena, eldi nik sum ili phendepneri yubu babe nelebahinep kom. Ili yabo ni phenderi yubu nik sum neleplamsiso tanena, nimi enekori, ‘Etne agha yepnun,’ aro ili nhon wanaag o'ona sembanepti, nhon karong sembanep. Awe nhondinge teba'en sembandi, awe nhondinge sol wali uro tomnep. Ane saog uro, a'undi mog so'oag tup nenep tangtoba sarekerepto neleplapmun tanena, Allahri awe tomnep kom,” aro Yesusti eldi yubu ka'ero neleptop nimiag ambatsiog.

Ane sembe mog so'oag uroba a'undi saeag pairopne tup nenep tangtoba a'undi sik uro sol wali uro saelbamnep kom tanena, Allahri tup nenep tangtoba taptopne neneko a'undi saeag piplul kom. Yog nimiri eldi aba a'undi saeag nenero, ‘Yae paiamlulam,’ senba a'undi sikne agha ulamsom kom tanena, nen a'unag, ‘Andinge hae ya'ag talul,’ aro tatsukang kom.

Wene seog aghana, Abrahamdi samoro ambarelamogti, ‘Sindina Musari yubuap, Allah yubu silimu tiplamek nangdi yubuap ka'eban koma ul palamang. Wene ka'eban koma ul palamang pagha tanena, nimi teptop nimi kamag tangka sin ambatsilenge babe sindi sik sembaukang kom,’ seog,” aro Yesusti Farisi nimiag sunuro ambatsiog.

Nengabo nhondi kelabo toamna agha kel eneko liropti, wendogne tol torop tanena, toropne ponekori ora nimiri kelabo haogha tohiropne ulamla. Apna nimi nhondi lalilamsile kel agha nengabo nhondi kel eneko tolamsil tanena, nene babe ora nimiri kelabo haogha tohiropne ulamla,” aro Yesusti ambatsiog.