Popular Bible Verses from A pi ake 1

Share

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

Yeesu a doona a den ee: «Refee yee nuun mbaru o and camaane ke fo baxtu ke Faap fee a geennitna sañ-sañ um.

Bes, a soƥ ta reer fa den, a maƭooxa a den ee: «Ba nu ngoƭ a Yeerusaleem, ndaa fat nu cung ke Faap fee a regitna, too um yegnin a nuun. Mee ndax Saŋ, foofi a batiise’toogu, ndaa nuun koy, ndeer mene fo a pe a mayeer, xan nu mbatiise’tel Yiif Tedu le.»

Cinj ye Yeesu a xonna, a cooxa a den xa anddiloor xa mayu ndax ta feedin a den ee oxe ñoowaa. A feeñooxooga a den boo a pe qarɓeen nahik, a layaa a den kaa jofna no Maat ne Roog.

Cinj yaa Yeesu a layna kaaga, a dalfooxa o yoɗoox na kid den, too ye da ƭeetan, eel a singaan.

Yaa da ndefna maaga, a ndaxaaƴooxan ta retaa, goor ɗik waa ndokooxna tikoorik tan a mbeeñooxa a den, a lay a den ee: «Ndi nuun Gaagalile we, xar taxu nu ngeenoox ƭeetaa na asamaan? Yeesu feene yoɗeena a ndeer nuun, a ret na asamaan, ne nu nga’tuuna ta yoɗel, neene o mat a nomtoortiidkaa.»