Popular Bible Verses from A pi ake 2

Share

Piyeer a doona a den ee: «Mbesyo pakaad nuun a cinj, too oxuu refna fat a batiise’el no gon Yeesu Kiristaa, ndax pakaad um a mbaasanel, ta daaw Yiif Tedu le Roog a ci’taa.

Kaa ndamoogu a cangin ale no apootar we, a mbog o liir, a ndeeraa a cu’ax ale no Yaal oxe, soo a nqeɗaa.

Den fop a maya fo Yiif Tedu le, too a ndalfooxa o layaa lak lakas kaa Yiif le a ci’na a den.

Ndak fo ndak, fangax a inoortiida na asamaan, a saxit nen nqeñ maak naa na wuuɗaa, too a mayƭanda mbind naa da moof’ina fop. Maaga, a ƭelem akaa nandna nen a aal fiɗel a mbeeñooxa a den, a nqaajoox, soo a ndoonoox took o kiin oo kiin na den. Den fop a maya fo Yiif Tedu le, too a ndalfooxa o layaa lak lakas kaa Yiif le a ci’na a den.

Bes fuu refna, kaa mbokatooroogu no Mbind Roog ne, a mbogaa mbuuru ne kam pind ke, a ñaamaa fo o mbeq fo xeeñ yelefu, a simataa a Roog, too a ngidman paam xeet fee fop. Maaga, bes fuu refna o Yaal oxe a ɓaatooga no fog ole no gimu we waa mucna.

‹No ñaal palakaand ke, xam fudniid Yiif le mi took no wiin we fop, xa ƥiy xa koor axe nuun fo xa ƥiy xa tew axe nuun xan a njo’tanaxam. xa pes axe nuun a nga’aa, a mbeeñooxeel, soo nogoy we nuun a ƭaaɗaa.

We ngimna fop kaa mbokatoor’u o mbiñ o leng, a mbog fop. Kaa njikooxoogu xa qol den fo kalal den, a nqaajran, oxuu refna fo ne soxla um a fodna.

A koom, oxuu ƴufginoorna gon le no Yaal oxe, xan a muc.›

Boo ñaal maak mayu o ndam ne no Yaal oxe a helko fo garaa, xan njeeƈ ne a suptoox o niɓaan, soo o nqool onqe a suptoox fo’oy.