Popular Bible Verses from Saŋ 14

Share

Mexe xaƴtaa a nuun jam es, kaam ee ci’aam a nuun jam es. Kaa koy ci’titinum ne adna fee a ci’titaa. Ba nu njaaxiɗ, too ba nu ndiid.

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

«Ba nu njaaxiɗ, ngimyo na Roog, ngim na mi.

Kaa koy, boo o Yaayaal oxe, refna ref Yiif Tedu le Faap fee a luliidkaa no gon es a garna, xan a jangin a nuun fop, a wetand a nuun fop ke layuuma a nuun.

Oxe na gayaa ke hebluuma, ten fexaxam, too fexaxama, xan Faap fee a fexin. Mi itam, xam fexin, too xam feeñlin oxe refuuma.»

Mi koy, xam xeɗ a Faap fee, ta ci a nuun o Yaayaal oxaa na refkaa fa nuun boo faw. O Yaayaal oxeene refu Yiif le Roog saqna ndigil ne, ndaa o kiin adna waagiran o jaɓ, yaam ga’iran too andiran. Nuun o mat, nu andaan, yaam fa nuun a genu, too xan a ref na nuun.

Kuu nu nqeɗna no gon es, xam fi’in, ndax no Ƥeenqe, Faap fee a ɓoxotel o ndam. Nu nqeɗangaa tig no gon es, xam fi’anin a nuun.»

«Nu mbexangaam, fat nu ngay ke hebluuma a nuun.

Xa moofand xa mayu xaay no mbind Faap es. Kaaga a jeg’angee, laykooginum a nuun. Kaam jagandankaa a nuun koy maa nu moofna.

Boo retuuma, boo nu njeg maa nu moofna, xam nomtooxiid, xot a nuun, ndax me um refkaa, nu ndef maaga nuun itam.

Tomaa a layaan ee: «O Yaal oxe kat, i andee me o jofaa. Nam i mbaagu o andit a ƭat ale koy?»