Popular Bible Verses from Saŋ 15

Share

Mi refu ndaxar ne, nu ndef xa par axe. Oxuu saxna na mi, um sax no ten, xan a saq xa tim xa mayu. Um refangee fa nuun, nu mbaagoodee dara.

Saxyo na mi, um sax na nuun. Ne o par a waageerna o rimit, a refangee kaa sax no ndaxar, nuun itam nu mbaagee o saq xa tim, a refangee kaa nu sax na mi.

Nu saxangaa na mi, fa lay es a gen na nuun, nu mbaaga o nqeɗ kuu nu mbugna, too xan nu ci’el o ten.

Refee koy ee nuun njilaxam, ndaa mi jilu a nuun, doon teen dalin a nuun, ndax nu saqik xa tim, xa tim axe a ngen na nuun, ndax kuu nu nqeɗna a Faap fee no gon es, ta ci’in a nuun.

O mbeq jolkee jaɓ o xon yaam qaariit of.

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

Keeke koy refu kebil es: ‹Mbexrityo, ne fextuuma a nuun.›

Faap es xan a ɓoxotel o ndam, yaa nu mayna fo xa tim. Neene nu ndefitkaa daalbe es itam.

«Mi refu ndaxar biiñ ndiindigil ne, Faap es a ref o yaal um.

Oxuu saxeerna na mi, xan a deɓel tafil nen o par o ɗege, too xan a weer. A weerangaa koy, xan a deɓel na fiɗel, a doxik.

Kaam lay a nuun keene, ndax o ɗaay es a dal na nuun, o ɗaay nuun a waag o ñak sik.

Nu naangangaa o ngayaa kebil ke mi, xan nu ngen no mbeq es, yaam neene o mat gaytum kebil Faap es boo gen no mbeq um.

Ke hebluuma a nuun refu nu mbexir.»

Nu mbog’angaa na adna, a fexkooga a nuun, yaam ke fogna fo ten rek a fexu, ndaa koy feek nu mbogee no ten, ndoon teen um jil a nuun, xan a sib a nuun.