Popular Bible Verses from SAN LUCAS 12

Share

Jatzen cyey, miꞌn cybinchay tisenj taaw jaaꞌ, sino cykil hora cyitzꞌlem cyiiba, cuma mintiiꞌ tumel cyuyey jtoj tuꞌn wul meltzꞌaja, inayena, Jsmaꞌn tuꞌn Dios tuꞌn ntena cyuya xjal―tz̈i Jesús cye t-xnakꞌatzxin.

Juꞌ tzunj, cꞌoquel cyipena tuꞌn tbint tajbil Dios cyuꞌna. Ka ma bint cyuꞌna juꞌwa, ckꞌojel cyoclena tuj tcawbil Dios, bix jax juꞌx ckꞌojel cyway bix cycꞌaꞌy bix cyxbalena.

Bix e xiꞌ tkbaꞌn Jesús cye cykilcaj xjal: —Cꞌoquel cycwenta tiꞌj tuꞌn miꞌn txiꞌ cyiiꞌna jun cynaabla tuꞌn tten mas cyuyey, cuma yaaꞌn tuꞌnj nim tkꞌinemal nojne tchunkꞌlal jun xjal tuya tzalajebl.

Ka nchi kꞌona cykꞌinemala tuj cyaꞌj, ja tzunj lu tzin tyeecꞌan at jcyajbila tuya ti taj Dios, pero ka nuk oꞌcx n-oc cyipena tiꞌj cykꞌinemala twitz txꞌotxꞌ, ja tzunja nyeecꞌante mintiiꞌ cyanema tuya Dios.

Min tzꞌajben oj nchi labta tiꞌj jun tiiꞌ, cuma mi nuket jun kꞌij baꞌn txiꞌ cykꞌoꞌna te cychunkꞌlala tuꞌnj nchi labta tiꞌj.

Tej tbaj tkbaꞌn Jesús ja yol lu cye xjal, e xiꞌ tkbaꞌnxin cye t-xnakꞌatzxin: —Cuma jkꞌinemal min tzin tkꞌoꞌn cychunkꞌlala, juꞌ tzunj cxeꞌl nkbaꞌna cyey, miꞌn chi labta tiꞌj waabj tuꞌn cyitzꞌja bix tiꞌj xbalen te cyxumlala.

Pero yaltzen cyey, jawnexsen cywiꞌy cywitz nim chꞌit. Pero katzen min chi el chꞌit tuj tcꞌuꞌj Dios, yajtzen cyey, ¿chi elelpey tuj tcꞌuꞌjxin? Min. Nim n-el tniyꞌ Dios tiꞌj ti nbaj cyey. Hasta ttzmal cywiꞌy ttzkiꞌn Dios jteꞌ. Juꞌ tzunj miꞌn tzaj ttz̈i jcbinel cyiꞌja cyuꞌn kej xjal iicꞌbel te weya, cuma Dios ncyeꞌyen tiꞌj nbaj.

Jatzen cyey lepchec wiꞌja yaaꞌn nim cybaja, miꞌn chi bisena ka nuk cyajxa oj nbint ti taj Dios cyuꞌna, cuma jaxte ckꞌojel cyey tuꞌn cycawena tuya Dios tuj tcawbil. Ja tzunj lu tajxin tuꞌn ttzaj tkꞌoꞌnxin cyey.

Cyway, Dios ckꞌolte cyway. Cycyeꞌyenc ke joj. Min nchi awanjil, bix min nchi jtxꞌonjil. Mintiiꞌ cycajonjil tcublel ixiꞌn, bix mintiiꞌ cytxꞌutxꞌjil. Pero nchi itzꞌjjil, cuma ntzaj tkꞌoꞌn Dios cywajil. Yaltzen cyey, mas jawnexkey cywitz joj. Juꞌ tzunj, ¿mimpa tzaj tkꞌoꞌn Dios cyway?

Juꞌ tzunj, miꞌn chi labta tiꞌj jaaꞌ tuꞌn tcnet cyway bix cycꞌaꞌy, bix miꞌn baj cycꞌuꞌja ctzaal tkꞌoꞌn Dios tuꞌn cyitzꞌja.

Ntzaj tkꞌoꞌn Dios cyxmaquel cꞌul, amale nuket caꞌba oxe kꞌij nten bix n-el tzꞌak bix ncub patet. Yaltzen cyey, ¿yaaꞌmpa mas jawnexkey cywitz cꞌul? Ejeeꞌy yaaꞌn nimxix n-oc ke cycꞌuꞌja tiꞌjxin. Ka ma tzaj tkꞌoꞌnxin cyxmaquel cꞌul, jax juꞌx ctzaal tkꞌoꞌnxin cyxbalena.

Pero jkaꞌ at tuj cyanem cchicꞌajaxeltzen. Cykilca eꞌwen cyjel tuj chicꞌaj.