Popular Bible Verses from युहन्‍ना 21

Share

जब हुनुका खासकलइ, तब येसुजि सिमोन पतरुसके पुछलसि, “अरे युहन्‍नाक बेटवा सिमोन, कथि तुइ मोरके हिनिकरसे बहुत माया करसहिँ?” उअ कहलिय, “हजि प्रभु, यपनहुँक थाह बडइ कि मुइ यपनहुँके माया करसहिँ।” येसुजि वकरेके कहलसि, “मोर पठरुवानिके चरहोसि।” हुने वकरेके फेरि पुछलसि, “अरे युहन्‍नाक बेटवा सिमोन, कथि तुइ मोरके माया करसहि?” उअ कहलिय, “हजि प्रभु, यपनहुँक थाह बडइ कि मुइ यपनहुँके माया करसहिँ।” तब येसुजि वकरेके कहलसि, “मोर भेडवानिके चरहोसि।” हुने सिमोनके तिसरि पारि पुछलसि, “अरे युहन्‍नाक बेटवा सिमोन, कथि तुइ मोरके माया करसहि?” तब सिमोन दुःखित भेलिय, केहकेकि येसुजि तिसरि पारि वकरेके “कथि तुइ मोरके माया करसहि?” कहके पुछलसि। उअ हुनेके कहलिय, “प्रभु यपनहुँ जम्‍मे बतवा जनसहुँ। मुइ यपनहुँके माया करसहिँ कहके यपनहुँ जनसहुँ।” येसुजि वकरेके कहलसि, “मोर भेडवानिके चरहोसि।

मुइ तोरके सदियो कहबहिँ, जब तुइ ढोठनिया रहलहि तुइ यापन फडवा यपनहिँ बनहिँ हसे जहवाँ मन लगइ वहवाँहिँ जाहि। बाकि जब तुइ बुढ हखबहि, तब तुइ यापन हथवा पसरोबहिँ हसे दोसरि जन तोर फडवा बानदेतइ तके तोर जहवाँ नाहिँ जायके मन लगतइ वहवाँहिँ लिगतइ।”

येसुजि हुनुकाके कहलसि, “जलवा डोङवाक दहिनिकलहरवा खेपह हसे माछर पउबह।” तब हुनुका जलवा खेपलइ तके यतुरा बहुत माछर परलइ कि, हुनुका जलवा तानहिँ हइने सकलइ।

सिमोन पतरुस हुनुकाके कहलिय, “मुइ त माछर मारे जाइ बडहिँ।” हुनुका सिमोनके कहलइ, “हमरा फेनि तोरसाङे जेबहुँ।” हुनुका जाके डोङवामा चढलइ, बाकि उहे राति हुनुका एगुडा फेनि माछर हइने मारलइ।