Popular Bible Verses from मति 19

Share

येसुजि हुनुकाके हेरके कहलसि, “मन्‍सेक तहिँया इअ सम्‍भव हइने बडइ, बाकि परमेस्‍वरक तहिँया जम्‍मे सम्‍भव बडइ।”

याबे हुनुका त दु जन हइने, बाकि एगुडे देहि हखइ। उहेसे परमेस्‍वर जकरेके एकसाङे जोडले बडसि, मन्‍सावा हुनुकाके झिन छुटोइय।”

बाकि येसुजि जवाफ देते कहलसि, “कथि तोहरा धरमसास्‍तरवामा हइने पढल बडह? सुरुमा परमेस्‍वर मन्‍सेके मरदाना हसे जनियानि करके बनोलसि। ‘उहेसे मरदाना मन्‍से यापन दाओ-बाबाके छाडके यापन जनियावासाङे मिलके रहसइ हसे हुनुका दुन्‍हु जन एगुडे देहि हतइ।’

बाकि येसुजि चेलवानिके कहलसि, “इअ छोकनियानिके मोर लघिना यावे दिह, हुनुकाके झिन रोकिह, केहकेकि स्‍वरगक राज यसने बाचाक नहिँया मन्‍सेसभक तहिँया हखइ।”

बाकि यखनि पहिला भेलहरवामधे बहुत जन पाछा हतइ हसे यखनि पाछा हखलहरा बहुत जन पहिला हतइ।”

जुने मोर नाउँक खातिर यापन घर कि ददेर-भाइ कि दिदेर-बहिन कि दाओ-बाबा, बेटवा-बेटियानिके कि जागा-जमिन छडले बडिय, उअ सय गुना बढि पउबिय हसे परमेस्‍वरसाङे सबदिन रहना जिवन फेनि पउबिय।

येसुजि वकरेके कहलसि, “यगर तुइ सिद्ध हखे चाबहि जउँ, जाहि हसे यापनसाङे भेलि जम्‍मे चिजुवा बेचके गरिबवानिके बाँट देहि हसे तुइ स्‍वरगमा धन पउबहि। वकरपाछा याके मोर पाछा लगहि।”

येसुजि वकरेके कहलसि, “तुइ केहके मोरके यसल कामक बारेमा पुछइ बडहिँ? यसल त एक जन मतरे बडसि। यगर तुइ परमेस्‍वरसाङे सबदिन रहना जिवन पावेके इछा करसहि जउँ, हुनेक आग्‍यासभ पालन करसि।”

मुइ फेरि तोहराके कहबहिँ, धनि मन्‍सेके परमेस्‍वरक राज भितरा पेसलिसे त बरु सुइवाक भोङवामा उटवाके छिरेके उसार हसइ।”

मुइ तोहराके कहबहिँ, धुचुडक कारन बाहेक, जुने यापन जनियावाके छाडके दोसरे जनियानिके बियाह करबिय, उअ धुचुड करबिय।”

वकरपाछा येसुजि यापन चेलवानिके कहलसि, “मुइ तोहराके सदियो कहबहिँ, धनि मन्‍सेके स्‍वरगक राज भितरा पेसेके गहनि गारह बडइ।