Popular Bible Verses from मति 3

Share

तोहरा पापसे यापन-यापन मनवा फिरोले बडह जउँ, उहे यनुसार चलह।

तब स्‍वरगसे एगुडा यसनुक स्‍वर यलइ, “इअ मोर सोगावल पुतर हखिय, यकरसे मुइ खाँ खुसि बडहिँ।”

येसुजि बप्‍तिस्‍मा लेसकले पर, हुने वइघरहिँ पनियासे वपरा यलसि, तखनहिँ स्‍वरग खोलेलइ हसे हुने परमेस्‍वरक आत्‍माके घुटुरि नहिँया यापनमा परइ देखलसि।

“मुइ त तोहराके यापन-यापन पपवा मानके मनवा फिरोलेसे पनियामा बप्‍तिस्‍मा देइ बडहिँ, बाकि मोरसे पाछा यलहरवा तोहराके पवितर-आत्‍मा हसे यागिसे बप्‍तिस्‍मा देबसि। हुने मोरसे खाँ महान बडसि, मुइ त हुनेक चप्‍पलवा बोकेके फेनि लाइक हइने बडहिँ।

गछवानिक जरियामा टङिया परिसकल बडइ। उहेसे डउल फर हइने फराह जम्‍मे गछवा काटके यगियामा फकेतइ।

यसइया अगमवक्‍तावा फेनि इहे युहन्‍नाक बारेमा यसके कहले बडिय, “उराठ-ठउरियामा कुनहुँ एक जन जबड स्‍वर निकडाके यसके कहइ बडिय, ‘परमप्रभुक तहिँया पइडा तयार पारह, हुनेक पइडावाह सोझ बनोह’।”