Popular Bible Verses from मरकुस 10

Share

केहकेकि मुइ मन्‍सेक पुतर याको जनसे सेवा पावेके हइने, बरु याको जनक सेवा करे हसे बहुत जनके छुटकारा देवेके तहिँया यपने प्रान देवे याइल हखहि।”

येसुजि हुनुकाके हेरके कहलसि, “मन्‍सावानिक तहिँया इअ सम्‍भव हइने बडइ, बाकि परमेस्‍वरक तहिँया इअ सम्‍भव बडइ, केहकेकि परमेस्‍वरक तहिँया जम्‍मे सम्‍भव बडइ।”

तब येसुजि वकरेके कहलसि, “तुइ यापन पइडा लगहि, तोर विस्‍वास तोरके डउल बनोले बडिय।” तखनहिँ उअ वइघरहिँ देखे सकलिय हसे येसुजिक पाछा लगलिय।

उहेसे परमेस्‍वर जकरेके एकसाङे जोडले बडसि, मन्‍सावा हुनुकाके झिन छुटोइय।”

तब येसुजि वकरेके हेरलसि हसे माया करके कहलसि, “तुइ एगुडा काम करेके बाँकि बडइ। याबे तुइ जाहि, यापनसाङे भेलि जम्‍मे चिजुवा बेचके पइसावा गरिबवानिके बाटदेसि हसे तुइ स्‍वरगमा धन पउबहि। वकरपाछा याके मोर पाछा लगहि।”

तब येसुजि वकरेके पुछलसि, “मुइ तोर तहिँया कथि करदेहि कहके तुइ चाहइ बडहिँ?” तब उअ यन्‍हारा मन्‍सावा बिन्‍ति करते यसके कहलिय, “गुरुजि, मुइ फेरि देखे सकुँ!”

बाकि तोहरा वसनुक झिन हखिह। तोहारमधे जुने महान हखे खोजबह उअ तोहार सेवक हखे परतइ।

मुइ तोहराके सदियो कहबहिँ, जुने परमेस्‍वरक राजके एगुडा झिनमिन छोकनिसभ नहिँया गरहन नाहिँ करतइ, उअ कबहुँ फेनि परमेस्‍वरक राज भितरा पेसे नाहिँ सकबिय।”

बाकि यखनि पहिला भेलहरवा बहुत जन पाछा हतइ हसे यखनि पाछा हखलहरा पहिला हतइ।”

बाकि सिरिस्‍टिक सुरुमा परमेस्‍वर मन्‍सेक जातिके मरदाना हसे जनियानि करके बनोलसि। ‘उहेसे मरदाना मन्‍से यापन दाओ-बाबाके छाडके यापन जनियावासाङे मिलके रहसइ, हसे हुनुका दुन्‍हुँ जन एगुडे देहि हतइ।’ याबे हुनुका त दु जन हइने, बाकि एगुडे देहि हखइ।