Popular Bible Verses from सेगुम्‍पाक 2

Share

न्‍हाङा पात्‍तुरुसङा लुचि, “न्‍निङ्‌दा पाप छेमा तोक्‍मागा लागि पास्‍चाताप चोगिघोङ् खिरिस्‍ट येसुगा उनिङ्‌बे बाप्‍तिस्‍मा लियाचोगानुम! न्‍हाङा पाबित्‍तारा आत्‍मागा पिनिक्‍ला तोक्‍त्‍वाम्‍गाना॥

न्‍हाङा ङ्‌खाचि सेगुम्‍पाकचिङा न्‍जिन्‍दुचिहा चेॽया, साङ्‌गाति, होक्‍ता नुङ् पार्थानाबे एको निङ्‌वागा न्‍लेक्‍साहोङ् लान्‍जोगामासा॥

न्‍हाङा ङ्‌खाचि घाक पाबित्‍तारा आत्‍मागा साक्‍तिङा इप्‍तुचि॥ पाबित्‍तारा आत्‍मागा साक्‍तिङा इप्‍तुचिहोङ् पाबित्‍तारा आत्‍माङा चिन्‍दुचिहा लोॽवा हेकोहा-हेकोहा चेॽयाबे चेक्‍मा न्‍दारोक्‍तु॥

ङ्‌खिङ्‌बेला न्‍नाबे वालोकपाहाङ् थाप्‍थुम्‍बे माडा हिॽवा फेनाना लोॽवा चोगा, न्‍हाङा न्‍ना हिॽवा कायाना सेम्‍लाङा ङ्‌खाचि ङ्‌युङाना पाङ् घाक इप्‍तु॥ न्‍हाङा मिलेप लोॽवाहाचि उङ्‌चि छोङ्‌बे ङ्ओता, न्‍हाङ् ङ्‌खा मिलेप लोॽहाचि फोकाक-फोकाक न्‍लेक्‍साहोङ् न्‍नाबे ङ्‌वायाहा घाक छोङ्‌बे ङ्‌युङा॥ न्‍हाङा ङ्‌खाचि घाक पाबित्‍तारा आत्‍मागा साक्‍तिङा इप्‍तुचि॥ पाबित्‍तारा आत्‍मागा साक्‍तिङा इप्‍तुचिहोङ् पाबित्‍तारा आत्‍माङा चिन्‍दुचिहा लोॽवा हेकोहा-हेकोहा चेॽयाबे चेक्‍मा न्‍दारोक्‍तु॥

उङ्‌चि एको निङ्‌वागा न्‍लेक्‍साहोङ् घाक लेन निङ्‌वाफुमापाङ्‌बे न्‍छुप्‍सामासा॥ न्‍हाङा उङ्‌चि घाक चोन्‍सिसाङ्, उचुन्‍ना निङ्‌वाङा पाङ्-पाङ्‌बे होक्‍ता ङ्‌ङेन्‍दुहोङ् न्‍जो॥ उङ्‌चि साधाइ निङ्‌वाफुमागा पार्साम्‍सा चोक्‍साङ्, घाक याॽमिचिभाङ् उचुन्‍ना निङ्‌ला तोक्‍साङ् वामा न्‍दारोक्‍तु॥ न्‍हाङा हाङ्‌बाङा लेन्‍लेन उङ्‌बे बिस्‍वास चोक्‍खुबाचि पुसाङ्-पुसाङ् खेतुचि॥

‘हेक्‍साङ्‌हा लेनचिबे खाॽला लेङ्‌मेहाभोङ् निङ्‌वाफुमा कामे, आका आत्‍मा घाक जातिगा याॽमिचि छोङ्‌बे पाक्‍स्‍वाङ्, न्‍निङ्‌गा च्‍या बाबु नुङ् मामुचिङा आगाम्‍बानि न्‍जोग्‍वा, न्‍निङ्‌गा वेन्‍चा च्‍याबाबुचिङा सेन्‍चि न्‍दोक्‍त्‍वा न्‍हाङ् न्‍निङ्‌गा पाहोबाचिङा सेम्‍माङ् म्‍माक्‍त्‍वा॥

बिस्‍वास चोक्‍खुबाचि साधाइ न्‍छुप्‍सामासा॥ न्‍हाङा उङ्‌चिगा घाक थोक खा आका, खा ङ्‌गा बाङ्‌ना म्‍मायान, घाकङा सोरोबोरो चालान्‍जोगु॥ ङ्‌खाचिङा उङ्‌चिगा याङ्‌सा युबाक्‍थिङ्‌खाक इन्‍चासाङ् खाचोबे ङ्‌ङायाहा याॽमिचि याङ् ङ्‌हाप्‍सुबिचि॥

ङ्‌खाॽनिङ्‌गो हाङ्‌बागा उनिङ् पुकारा चोक्‍खुबाचि घाकङा च्‍हेन उद्‌दार न्‍दोक्‍त्‍वाना॥’

हाङ्‌बा निङ्‌वाफुमागा माहान नुङ् आच्‍चाम्‍माना लेन तामाहाक्‍निङ् ओन्‍दाङ्, नामङा ओम ओॽमा लेप्‍तिॽवाहोङ् कुइम लेङ्‌मे, न्‍हाङा ला च्‍हेन हेलि लोॽवा फाम लेङ्‌मे॥