Popular Bible Verses from लुका 22

Share

“ओ आप्‍पा, ना तुखिगा खोरेक काभाङ् लाॽनिम्‍बिॽमाना न्‍निङ्‌वा वेॽनाभोङ् लातिताङ्॥ ङ्‌खाॽनिङ्‌गो आनिङ्‌वा लोॽवा मेन्‍ना, न्‍निङ्‌वा लोॽवामाङ् लेङ्‌नि॥”

ङ्‌खाॽनिङ्‌गो ङ्‌गा बिस्‍वास म्‍मान्‍दिॽनिन्‍निभोङ् का पार्थाना चोङ्‌बिनुङ्‌नेन॥ फेरि न्‍दा पाप पाहाङ् लासाघोङ् म्‍फुनुन्‍छाचि चा बिस्‍वासपे चात्‍तु चोगुचि॥”

न्‍हाङा येसुङा चालेप्‍पा उमुकपे याङु न्‍हाङ् निङ्‌वाफुमा नुनिङ्‌वा पिइहोङ् न्‍ना एगु, न्‍हाङ् ङ्‌खाचि खाॽला लुसाङ् पिचि, “न्‍निङ्‌दा पिॽनेन्‍निन्‍हा ना आका सालुङ् ओम॥ हाकु नाहाङ्‌तो का मिॽमागा लागि खाॽलामाङ् चायानुम॥”

ङ्‌खाॽलामाङ् न्‍जोइहोङ् येसुङा खोरेक याङुहोङ् चेलाचि खाॽला लुचि, “ना खोरेक आहेलिबे थुन्‍दाना ओछोङा कारार ओम॥ खा न्‍निङ्‌गा लागि याङाहा आका हेलि ओम॥

उका उनिङ्‌वाबे प्‍याक तुखि लेक्‍साहोङ् झान प्‍याक पार्थाना चोक्‍मा तारोक्‍तु॥ ङ्‌खिङ्‌बेला उका ह्‌वाङ्‌मा हेलिगा माम्‍माहा थोपा लोॽवा खामबे आॽनुङ्‌मास्‍या)॥

ङ्‌खाॽनिङ्‌गो न्‍निङ्‌दा च्‍हेन ङ्‌खाॽला न्‍लेक्‍सानिन॥ न्‍निङ्‌दाबे इसा मा, न्‍ना मि लेङ्‌नि, न्‍हाङ् हाङ्‌गुम्‍बा च्‍हेन नोकोर लोॽवा लेङ्‌नि॥

ङ्‌खाॽनिङ्‌गो येसुङा न्‍ना लु, “पात्‍तुरुस जेप्‍पा का न्‍दा लुमेॽनेन, न्‍दा ‘का उङ् चिनान्‍जोग्‍वाङान्‍ना’ कासाङ् सुम्‍मा इन्‍कार मेन्‍जोक्‍ले सोम्‍मा हेन तितिॽलिङ्‌वा ङ्‌गामेन्‍ना॥”