Popular Bible Verses from Mabikiri 1

Share

Nka ábɛɛ kakan-i á i nwɔ̀ tɔ, niŋ i kaa : Ɲiniwɔlinŋ ki a na jɛri ábɛɛ sun, niŋ na, ábɛɛ ra na sotinbi kila, á i ji míŋ shɛɛri kiri i. Á i míŋ wulu ki bi mani ki bataa ru, ŋì i tɔnpa Yerusalɛmu, Yude, fa Samari, ŋì i ta so juniɲa ki daŋ ki ra. »

Ntiŋ i ǹʼbi kí tɛ : « Nwɔ̀ i niŋ jibi ki i, niŋ fa niŋ bi kiri ra na ma ɲaan wɔ̀ tɛ, míŋ Tiŋ ki niŋ kubili-i awɔ so ki wu. Niŋ tɔ ŋuŋ kɔ ábɛɛ gbɛ kì.

Jibi bɛɛ, ŋì i ntiŋ fa awɔ kalindaŋ kiri tu nufinŋ nu-a, ntiŋ i ǹʼbi furu kí tɛ : « Á fa ámaŋ nanari Yerusalɛmu na kì. Míŋ Tiŋ ki a tɔnŋ wɔri-i ábɛɛ tɛ Ɲiniwɔlinŋ wɔ̀ bira, a yɛrima ki tɔnŋ ki ra, á niŋ sunsuu. » Ntiŋ tu sɛbɛ : « Yuhana konaŋ kiri wu-i ju ra, nka jibi dama ciiru, ábɛɛ ra wu Ɲiniwɔlinŋ ki ra. »

Yesu beenimaan ki kɔɔtɛ, ntiŋ ŋmɛnimaan ki a yɛri ji-i kalindaŋ kiri wu ɲaan ki bataa tɛ tu afinŋ ɲaninkulutɔnŋ i. Ntiŋ i sunŋ yaafuuli ma kí fan, ntiŋ i Kirinŋ wɔ Masabi ki ɲaanbi-ri kí tɛ.

Yesu kɔ-i niŋ wulu kiri ra, ŋì i kalindaŋ kiri tu ntiŋ shɛɛli-la, ntiŋ i fɛshi san kí ra. Ntiŋ i de loŋ ki ru, kí ntiŋ ja kili kì.

Kalindaŋ kiri tu-i kirinpɔli ki rashɛɛli-la, shuru jɛrɛbifɔtiŋ fuuli i na tu kí tɔntɛ. Niŋ shuru kiri tu : « Galiletiiri, nfɛnŋ na ábɛɛ tu-i ji faa kwumaŋ, á i kirinpɔlila shɛɛli-li? Yesu wɔ̀ fɛshi san-i ábɛɛ ra kaa, ntiŋ a a pwulu na jibi bɛɛ mìŋ ɲaan tenŋ ki tɛ, miŋ tu ábɛɛ ntiŋ tirira ki ja-i kirinpɔli ki ra ɲaan wɔ̀ tɛ. »