Popular Bible Verses from Lucas 5

Share

Netamen, apsavhomo lhnak apketlhekmoskama m'a, lhna aptemak apkanemo Pedro: —Nok, angenmangkok no ha'e, aptonnelha nak, hata elienio'ok nemmen iama tetekko m'a —lhna aptemak Jesús.

Koka apkatemmoiangka lhnak Pedro m'a, lhna aptemak: —Hengetlhekmoskama, pelhaso pvanko nellenlhaneiam aniekhe nenteniaikamok kelasma, mamma koka, nientelhek nenmakmekama. Koka atnek hata ehenkek aptakha nak lheiap —lhna aptemak Pedro. Ka apkelhaiangko lhnak iama tetekko m'a, apkel·hatsosaiangko lhna ngkeskama nkek kelasma m'a, nkaikama lhnak alietepkeskama iama tetekko m'a.

Koka Jesús aptengiaikama lhna mota metkelha la akiennoma lhma kakpota enmalhnak ma'a.

Have ko'o asmahai'a alvenama apkelpeivomo nak, vanlha koka asmahai'a allavama m'a enenlhet apkellanekamok anak ngkollatsekama kakpota eliaqmongkasekhak mo'ok apvalho'ok —lhna aptemak Jesús.

Lhna songkek apvetai'o Pedro m'a, apkeltanentamo lhnak aptapno'ok napaqtek Jesús ma'a, lhna aptemak: —¡Apveske, molatsekama ko'o, mangheipetkangva! —lhna aptemak.

Ka apkatemmoiangka lhnak Jesús ma'a, lhna aptemak: —Enenlhet la metka akmaska apiempek, meniaimekpok na ponha niapom ma'a. Koka enenlhet la akmaska apiempek apkaimekpek ponha niapom ma'a.

Netamen nak ma'a, apnengkanveiakmo lhnak nekha alvata loma nemmen, apkelieniekho lhnak na lhamakho apkelletsekama m'a, apkelieplekho lhnak na Jesús ma'a.

Apnekhek nak natemma Jesús ma'a, apvai'o lhnak lhema enenlhet lepra ato' m'a. Apkelteklhekvai'o lhnak aptapno'ok napaqtek Jesús akvakmo nnelha napa'at apteklheklhema lhepop, lhna aptemak apkapiosemmakpo apkelanei'o Jesús ma'a: —Apveske, ¿apkeltave ie heialhnaskesekhak eiempek anak, he? —lhna aptemak. Ka apmangveiakmo lhnak Jesús ma'a, lhna aptemak: —¡Hai, kalhnekha apiempek anak lheiap! —lhna aptemak. Kolhvavek ankek nak aptaqmelekhak enenlhet ma'a

Niaveiangkek nak apkeliekpelkema enenlhet'avok Jesús ma'a, apkaqnekho lhna mota apkellailhekamok apketlhekmoskama, kakpota nhan apkelvaiam apnakha apkeleltemo eltaqmelkasekhak anmaska apiempeiok ma'a.