Popular Bible Verses from Lucas 6

Share

Ellamok hata nhan qaselha po'ok aimelhkelha la'a kakpota ngkolhek allangko nhan ketlhengkap akietemo nkek konne iamalhengahak, ngkolhek hata nhan allangko qaselha nema akiaqhapekamok, kanhan nema aliettakkesaikamok iamalhengahak, kanhan alanei'o nkoie. Apkellangkek hata nkek ketsek qaselha po'ok, netamen ngkolhek hata nhan akneso nema akiaqmongkasekha ketsek qaselha m'a. Koka apkellangkek hata nkek akiavai'a qaselha apanko'ok po'ok, netamen hata nhan ma'a ngkolhek akneso nema akiaqmongkasekha akiavai'a qaselha.

Nnavek na m'a, enenlhet la apiamolhma apkeliatakke mota aktaqmanma aniem'o nhan aktaqmanma apvalhok. Koka enenlhet meihamolhma nak, apkeliatakke mota ngkolatsekama aniem'o ngkolatsekama nhan apvalhok. Aklanei'o la apvalhok enenlhet, nkotiepok apaivoma m'a.

Nkaimelhkek na ketlhengkap ellasekhok apkellammelhmakha la'a, eleltaqmelkes kakpota nhan ellangkok apkeliaqmoma metka apkellailhema apkeltakheskamo qaselha apkeliaqmoikamok la'a. Netamen ngkolhek hata allangko akiavai'a nkek akianmoma m'a, etnangkok hata nhan apketkak ma'a Apto Apnema m'a netne kankoie. Apkeltaqmelkeskamo nhan apkellangiemhaikama apkellelto nak metnaikamok gracias ma'a kanhan apkellanekamo qaselha ngkollatsekama.

Elietnaho ta nhan napaqta'a m'a po'ok la'a, ngkanek Apiapma'ak anak ketlhengkap apkelietnavek na napaqta'a m'a aplhamakho enenlhet.

Lhna aptemak mokhom Jesús apketlhekmoskama: —Meliekpelko nkek aptemakha la po'ok, kakpota nhan mangkolhek hata aliekpelko aptaiangkolha ketlhengkap. Metlhen na apselhnanemmap po'ok kakpota nhan mangkolhek atlheno apketselhnanemmap ketlhengkap. Eltemeskesama ta apankavek ketlhengkap apnaqtevasko la po'ok, kakpota nha ngkolhek aktemeskesangkankek ngkollatsekama apkellanekamok ketlhengkap.

Aplhengkeskangkek nak apkeltennaikama Jesús ma'a, lhna aptemak mokhom: —Askeltavek aleltennasangkok ketlhengkap apkellelto nak apkeltaqmelkeskamo hellailhemo: Ellasekho ta apkellammelhmakha la'a, eltaqmelkaso ta nhan apkellanei'o m'a apkellelto apkeltaknongkoma nak. Ellamok hata aktaqmanma apaivoma apkellelto apkeliematkesaikama nak ketlhengkap. Elelmalhneskes hata kakpota nkoltaqmelek apkellangiemhaikama apkellelto nak apketlheianveiam amota apkelvesai'a ketlhengkap, apkenmopvanka ania'a koka.

Eltaqmelkes hata po'ok ka apkeleltemakha nak na ketlhengkap apkelleltemo ngkolhek altaqmelkaso mota.

Nnek hata nkek aktekpongo apmalhempenek lheiap, eniangkok hata nhan nekha apmalhempenek ma'a. Nnek hata nkek aklekkaso apkaqlammap lheiap, apvannangko la nhan ma'a elekkasekhak mokhom aptalhnema apvenaktema, eniangko ta nhan lheiap ma'a. Nnek hata nkek anmalhnengka qaselha apankok lheiap, eniamok hata. Nnek hata ankek annaktengkaso qaselha apanko'ok, nkotnama ta nkek ma'a.

Lhnak aptemak mokhom Jesús apietkeskama: —Iamet aktaqmanma la mankavanke nkoilhek akielhna ngkolatsekama la'a, iamet ngkolatsekama mankavankek na nkoilhek aktaqmanma akielhna.

Iamet aknema la am'ok mankavankek ngkotnekhak akielhna nak higo, palva mankapvankek etnekhak apielhna uva nak akielhna. Aniekpelkok na iamet nenvet'o la akielhna.