Popular Bible Verses from Maruk 12

Share

Yéesu narogool : « Fútiyaara faafu fo fommee ufee : “Uyénten Isirayeel, Acehériit mee ammee Atúuhaolaal, ho déhooro ammee Atúuha. Ucamen Acehériit mee Atúuhai tíiŋ nꞌésigiri, mꞌbúyegehi, nꞌgapinoori, bu nꞌsembei ró.” Fúruten faafu ufee : “Ucamen apaali an naŋ min ucamenooro mee.” Bajut fuyuhoum fucee farege gaage gammee gúruba. »

Ñeer Yéesu nawook ulagenaool narogiil : « Iroguulee, maregen akoña aahu umu han araaŋool acet mee ban nalek ho arege nasene bugan gaagu peepe gabet dó mee. Bugaagu peepe wáfuufen mee nꞌfubajiil ngubehen dó. Bare ho, waameen mee nꞌguñenool peepe nabehe dó ; wan abajeen mee déhooro bu buroŋ. »

Púr to, Yéesu nalako dó nꞌyaŋ Atúuha ajooŋoor tan bugan gubehe mee síkori, min añow buu nja gubet so dó eeno. Usaanum gameeŋe ngubet dó meeeŋ. Nañow may akoña acee halelek han araaŋool acehe abet dó múkori múruba matoogut waafóowaaf.

Gacamenool tíiŋ nꞌésigiri, mꞌbúyegehi búroom bo bu nꞌsembei ró, ban may gacamen apaali an naŋ min ucamenooro mee, dáaru rereg ekaan búsimen bu nꞌAtúuha bara esow jaram reem son waawu úsimen. »

Narogiil : « Jisen Sesaar waafool, ban may njisen Atúuha woola. » Ñeer bugo peepe ngujaahali moola.