Popular Bible Verses from Maruk 13

Share

Gajaom be ecil min bugan gaagu peepe gulahuul. Bare an abil mee gamuuyen najok to liŋ jaram faago, Atúuha bu gapagenool.

Jíkaanum ! Jambil jiŋot mara jímirut nan mbile ekaan.

Nan guñum mee ejoguul nguŋaruul bu batalen, jambil jísebi mara wan jibil mee elob. Mbil jilob wabil mee éjool nꞌúyegehuul to bújooŋoor, mara mat kaan buguul jilobe, bare Búyeget Baset mee.

Emít nꞌetaam bu ganiiho, bare gurimom mat gumus guniiho. »

« Bajut an ámire ewaato son funak faafu fan aleeh an abil mee ébaañul. Let simalayika san dó mee nꞌémit, let may Aleeh aahu. Paayolaal noonool ámire.

Nan jibil mee ejam gawel gara gutiik son gurim galobe mara go, jambil jitelen, mara waaf wabile ekaan. Bare let yo yommee gafaagoúm dúniya.

Jambil jiwaayen, mara jímirut nan ara yaŋ abile ébaañul. Teer ho be étiiŋul gárusa, teer nꞌetut fuk, teer nꞌurab, teer mꞌbújom. Jambil átiiŋul nagoncuul ngaŋot ! Wan emmee nelobuul, buguul peepe nen nelob wo : Jambil jiwaayen ! »

Esúk bu gayiho netiigen epaal yo ésuk, jáyiih bu gayiho njitiigen jipaal jo jáyiih. Etaam bu gagoroor mꞌmof mameeŋe, bacaar may be élohul. Dáaru peepe mutaf mútiyaara déhooro, manogoonogoor naŋ mara akoña han farool fujooke gagoroor.

Furim fásuum mee fubile gamundum fuwaarei nꞌsísuk saasu peepe sara dúniya.

Gameeŋe bu gakaanooro gajaom gútiiŋul nguroguul : “Injé emmee Apagena aahu.” Ban bu gabanten bugan gameeŋe.

Buguul fannauul, jíkaanum ! Bugo be eŋaruul mꞌbulago, nguteguul gúpalla nꞌgúrehoorum gara gawaare furim Atúuha. Gajaom be ecil nguyihenuul fácil unafaan sísuk bugo nꞌgúyiih, dó peepe mimbil bugo gujam báseedoeruul.

Upagena bugo nꞌenabiyoŋ galet bugara maregen be épurul ngukaan waaf wabile gajaahali bugan be eliik gabanten bugan gan Atúuha acaap mee.

« Bare nan sílaam saasu sibil mee gafaago, nꞌgunak garoob to mee bunak bu gamoocen bíb, fujenna may be emooc. Siwuut be élohul fatiya nꞌémit ban sembe sammee fatiya peepe bu gagoroor.